الجانب السيئ والمؤذي من شخصيتة بدأ يظهر

السلام عليكم انا بنت عمري ٢٥ سنه، من فتره يمكن سنه او سنتين بديت الجانب السيئ من شخصيتي يتغلب على الجانب الكويس صرت انانيه على اني خدومه جدا واضغط على نفس عشان الناس و حتى الناس يمدحون الصفه الى فيني اني شخص غير اناني بس فيه اكثر موقف بين لي اني بدا هذا الجانب يتغلب على بس الحمدالله انه كان لاشياء بسيطه زي مثلا اختي تدور لجزمه للبس واتفقنا على جزمه معينه لها بعدين غيرت رايي وقلت انا اباخذها وبندور لاختي جزمه غيرها وهذا الي صار يوم رجعت للبيت ضاق صدري من نفسي ليه تغلب على هذا الجانب على اني في السوق عارفه اني غلطانه ولاولي اختي ، و كمان بدت مشاعر الغيره تسيطر علي اذا بيشاورني شخص في شيئ بيسويه وكنت اتمناه لنفسي جدا صرت اظهر ردات فعل مختلفه بسبب الصراع الي في نفسي ودي اشجعه بس ودي مايسويه بس الحمدالله دايم اتغلب على نفسي واشجعه ، وغير بعض الاحيان اقول اشياء ممكن تزعل ناس معينه بس اقولها ولا اعرف ايش ابستفيد ، هذا الجانب من شخصيتي مرا متعبني ومعيشني في صراع دايم و مسبب لي خوف اني افقد السيطره على نفسي واصير اسوي اسوء مابي اتحول لشخص سيئ او مؤذي كيف انزع هذي المشاعر ؟