صورة علم Egypt
من مجهول
منذ شهر 16 إجابات
0 0 0 0

ما تفسير ما حدث لي بعدما غبت عن الوعي وشعرت أني في عالم آخر

هو حلم من خلال موقف غريب حصلي ومش قادره الاقيله تفسير لحد دلوقتي انا كنت رايحه اتبرع بالدم وبعدين ماخلصت كنت كويسه جدا فضلت اكتر من ربع ساعه كويسه وفجأه اغم عليا الغريب اني سمعت زي صوت قريب مني جدا جدا بيقولي انطقي الشهاده ربنا كاتبلك فرصه تانيه انطقي الشهاده وف الحاح شديد جدا من الصوت فضل يعيد كلمه انطقي الشهاده ربنا بيحبك اول مانطقتها انا رجعت أشعر بالناس اللي حواليا تاني بس ف الوقت ده انا روحي حرفيا كانت بتخرج


من جسمي بدايه من رجلي وبدأت تخرج بألم شديد جدا بس الصوت ماسابنيش انه فضل يهون عليا لحد مالروح خرجت ف اللحظه دي انا لاقيت نفسي ماشيه فوق سحاب تحت رجلي سحاب قدامي سحاب بصيت ع نفسي لاقيتني لابسه فستان ابيض طويل مكنتش شايفه شكل وشي انا مكنتش عارفه انا فين وليه محدش معايا بس كنت حاسه اني مبسوطه اوي وان جوايا فرحه ماتتوصفش كنت سامعه صوت أطفال بيلعبو وصوت مايه زي صوت الشلال بالظبط انا انا لاقيت الصوت رجعلي تاني سألت انا فين وكان صوت بنت كل اللي كانت بتقوله دي فرصه تانيه عشان ربنا بيحبك سألتها اني عايزه اوصل لصوت الأطفال ده قالتلي كل ماتمشي اكتر وتعدي جزء من السحاب وكل ماتقطعي مسافه اكتر هتوصلي للصوت انا فعلا بدأت امشي بس المره دي وانا مطمنه وفرحانه وكأني كنت بطير وكأني ملكت الدنيا وفعلا لاقيت صوت الأطفال قرب جدا وكان فرق بيني وبينهم خطوات مقدرتش اشوفهم لان كان فيه حاجز ابيض بمجرد اني اعدي الحاجز ده هبقي معاهم انا مالحقتش اعدي الحاجز بس انا عيني شافت جمال مشوفتش زيه ف حياتي ولا هشوف اكيد فيه تفاصيل واقعه مني بس انا فاكره زي لقطات كتير لحد دلوقتي مانسيتهاش فاكره انه كان فيه زي حيطه كده نازله بزرع وخضرة وكان فيه سبيكه دهب ف الارض وشوفت فعلا شلال المايه اللي كنت سامعه صوته مع الأطفال ف الاول بس ده مش شلال طبيعي ده زي مايكون نوور مايه من كتر ماهي صافيه بتنزل دهب مش قادره اوصف جماله مالحقتش اشوف الأطفال غير أن لبسهم ابيض بس ف اللحظه دي وانا لسه جايه بعدي الحاجز ده الصوت رجع بس المره دي منعني اعدي قالتلي مش هينفع اعدي قولتلها ليه انا عايزه ابقي معاكو قالتلي كلمه مش هنساها وقتك لسه مجاش قولتلها بس انا مش عايزه ارجع للحياه تاني انا عايزه ابقي هنا عادتلي نفس الكلمه وقتك لسه مجاش وافتكري دايما ان ليكي فرصه تانيه انا ف الوقت ده انا فوقت زي مايكون حاسه بالروح وهي بتخبط ف جسمي وابتديت احس بجسمي تاني والناس من حواليا بيعيطو اول كلمه سمعتها من الدكاتره اللي كانو حواليا ان بقالهم اكتر من تلت ساعه مش لاقيين نبض ليا واني فوقت دي كانت معجزه لأنهم مكنش حاسيين باي نبض ليا انا كنت بعيط من كتر حزني اني رجعت تاني انا اول مارجعت اول حاجه عملتها سألت صحابي قولتلهم ميين اللي كان بيقولي انطقي الشهاده قالولي مافيش حد قالك كدا قولتلهم انتو متأكدين حلفولي ان محدش فعلا قالي انطق الشهاده بس قالولي انتي قومتي فوقتي وفعلا لاقيناكي نطقتي الشهاده وغبتي عن الوعي تاني بس انا متأكده انه الصوت كان جمبي بالظبط كان جمب ودني انا كنت عايزه اعرف التفسير لده ايه انا ربنا شاهد عليا ف كل كلمه لان لما بحكي لحد محدش بيصدق او انه مجرد حلم عادي فهل فعلا انه مجرد حلم عادي ولا ليه تفسير تاني،

أضف إجابتك

صورة علم United States
السؤال التالي