حلمت أمي أننا في غرفة في قصر نتجهز لحضور عرس

السلام عليكم ورحمته الله وبركاته امي حلمت هذا الحلم امي وقت الحلم : تقريبا من الساعه 3-5 الفجر الحاله الاجتماعيه : متزوجه العمر : 53 حلمت امي اننا انعزمنا على عرس وبعدها ذهبنا الي السوق و اشترينا اشياء كتيره وبناتي كل وحده شايله اكياس كتير و اعطونا غرفه في قصر عشان نتجهز و نلبس فيها وبعدين ارجع الغرفه القى فيه حريم وبنات يحاول يدخلو الغرفه و يمشو حولينها وبعدين سالت وحده فيهم انتي تبغى حاجه تقول لا وتروح بسرعه وحضرنا الزواج و خلاصنا بعدين انا طلعت لوحدي و اضيع و أشوف شرطه تجري ورا الناس واقول ليش الشرطة تعمل كدا يمكن يمسكوني انا كمان وأهرب من الشرطه و اضيع اكتر بعدها واحس ناس يمشون ورايا بعدها فجأة كدا القي نفسي آخر دور في العمارة اقول كيف طلعت هنا انا مين جابني هنا و القى شنطتي وفيها أغراضي كلها ادور عليها مااحصلها ولكن محفظه فيها شوي فلوس جنيهات حديد وورق بس من فئة جنيه واحد ادس الفلوس تحت المخدة واطلع برا الغرفه اشوف انا في اخر دور في العمارة وأسلاك فيها لمبات معلقه بين العماير معلقه وكنت انادي الناس ولكن مافي احد يسمعني وطلع في يدي سلك الكهرباء خفت انو ينقطع و لمبات المعلقة تطيح على الناس وبعدين لقيت باب دخلت لقيت ناس عاملين احتفال وانا داخله من الباب الخلفي ارجع اطلع و ادور طريق انزل منو لقيت شنط واغراض تغطي الطريق وانا مو قادرة انزل بسببها واحاول اشيلها عشان انزل لقيت ناس قاعده تطلع الدرج و رجل كبير مع عياله وبناته يحاول يطلعو سالوني اذا في طريق منه هنا قلتله ايوا فيه بس شيلو الاغراض عشان تقدرو تعدو وكنت تشيل معاهم بعدها شالو كل الاغراض و طلعو لما كانو يبو يدخلو قلتهم الباب مو من هنا من هناك سمعو كلامي وانا نزلت الدرج بعدين انزل من الدرج واتذكر الفلوس الي حطيتها تحت المخدة وارجع اطلع ألقى المكان مليان ناس وأخذ المحفظه والفلوس وانزلت و كنت امشي في الشارع القى بيت ناس قرايبين وحده جات قالتلي عمها مات اروح معاها العزاء القى نور جالسه حزينه بعدها يحضرولنا الغدا ونأكل وعزينها وطلعت الشارع بعدها و ادور بناتي ......