الرئيسية / قضايا اجتماعية / مطلقة وأمي تحاول ابعاد ابنتي الوحيدة عني

السؤال

صورة علم Egypt
مجهول
قبل 4 يوم (17 اجابه)
17 اجابه

مطلقة وأمي تحاول ابعاد ابنتي الوحيدة عني

مطلقة وأمي تحاول ابعاد ابنتي الوحيدة عني

انا فتاة عندى 35 سنة والحمد لله على قدر من الجمال بشتغل دكتورة وكنت متجوزة من تسع سنين من واحد اكبر منى بعشرين سنة وللاسف اهلى كان كل واحد فيهم عاوز يحقق حاجة من الجوازة دى مافيش حد بص ليا ولا لمصلحتى وانا كنت وقتها فى حالة من انعدام الوزن لانى كنت لسة خارجة من تجربة ارتباط بعد اربع سنين حب وفشلت فسمعت كلامهم واتجوزت الشخص دا والى للاسف طلع نصاب وسرق منى كل حاجة حتى هدومى وسابنى بعد شهر واحد بس جواز واكتشفت طبعا بعد فوات الاوان انى مكنتش اول ضحية ليه وعشان محدش سال عليه من اهلى واعتبروه فرصة باعونى ليه ودى كانت النتيجة ولاقيت نفسى حامل ومقدرتش اتخلص من الطفل بنتى دلوقتى عندها تمن سنين ماتعرفش حتى شكل ابوها ايه لانه بعد ما نصب عليا وسرقنى اختفى وطبعا انا رفعت خلع وخلعته ولاقيت نفسى تحت الصفر لا منى مش متجوزة ولا منى زوجة وفوق كل دا حامل ومعييش ولا مليم لانى كنت سبت شغلى بس ربنا وقف جانبى وقوانى واقدرت افتح عيادة بمساعدة مادية من اخت والدتى واشتغلت ليل نهار مكنتش برتاحاعرف لحظة لحد ما بفضل الله تعالى قدرت انجح وكبر اسمى واشترى شقة خاصة ليا انا وبنتى بس حاليا لسة مقيمة عند اهلى لحد مااخلص توضيب شقتى .مشكلتى الى محدش مصدقها تتلخص فى امى .امى بتعاملنى معاملة سيئة جدا جدا دايما تهينى وتسبنى وتقلل من احترامى وخصوصا قدام بنتى وعلى طول فى مشاكل مع والدى ويشتمو بعض ودا اثر كتير على نفسية البنت دايما تدعى على ابويا وتسبه من واحنا صغيرين واحنا بنشوف معاملتهم لبعض بالطريقة دى .حتى اما حبيت افكر بالارتباط عشان اخلص من الجو دا دايما كانت بترفض اى حد يقرب منى بطريقة مباشرة او تكرهنى فيه او تقول لبنتى امك عوزاكى تموتى عشان تروح تتجوز وتعيش حياتها لدرجة ان البنت مرة قالتلى انا معنديش ماما انتى ام على الورق وبس وطبعا دى كلمة والدتى وعلى طول تقوى البنت عليا ومش تخليها تسمع كلامى وتتعمد تهينى وتشتمنى قدامها .عمرى ما سمعتها بتدعيلى دعوة حلوة او بتاخدنى فى حضنها حتى جت فترة وكنت مريضة اوى وطلبت منها تروح معايا لاى دكتور .قالتلى هخلى حد من الجيران يروح معاكى مع ان نفس الموقف اتكرر مع اخويا وباتت معاه ليلتين فى المستشفى .عمرها ما شافت شقتى الى هسكن فيها مع انى طلبت منها كتير تكون معايا فى كل خطوات توضيبها .اشتكيت لوالدى قالى مقدرش اغيرها واشتكيت لاخواتها قالولى مامتك شخصية صعبة ومحدش بيقدر يتكلم معاها .المشكلة انى قلبى اتقفل من ناحيتها وبقينا بنقعد بالشهور مش بنكلم بعض رغم اننا عايشين فى بيت واحد مش عارفة اعمل ايه انا بحبها لانها امى بس مش قادرة اتعامل معاها حاولت اكتر من مرة بس مش قادرة شفت منها قسوة كتير قست قلبى عليها وهيا ما بتحاولش تقرب منى وتختوينى رغم انها عارفة ظروفى والى انا مريت بيه دا غير انها بتدمر علاقتى ببنتى الوحيدة وانا خايفة على بنتى من طريقتها واسلوبها .ارجوكم فيدونى اعمل ايه واسفة لو كنت طولت عليكم بس كنت محتاجة حد يسمعنى


قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

صورة علم Jordan
خبيرة تطوير الذات د. سناء عبده
قبل 3 يوم

اهلا بك يا سدتي واحسنت بان اعدت الوقوف على قدميك ولعل هذه التجربة القاسية التي مررت بها كانت سلاحا لك لتشحذ همتك وتظهر افضل ما عندك، عليك الاسراع في انهاء الشقة ولاانتقال اليها انت وابنتك، وبالنسبة لعلاقتك بامك حاولي تقليل الصدامات بينكما ويمكنك ان تبري امك بطرق اخرى متنوعة مثل الدعاء لها، وعمل اي شيء في سبيل الله عن روحها وتقليل الاحتكاك معها حتى تقللي اخطاءها. وكثيرا من المواقف التي تحدث بينك وبينها تعود لطبيعة تربيتها وتركيبة شخصيتها والتي يعلمها الجميع واخبرك ابوك وغيره انه لا يمكن تغييرها، لذا لا تسعي لتغييرها بل خففي الصدامات واكثري من الدعاء لها، واسحبي بنتك من عندها بسرعة واعيدي وضع قواعد لتربيتها ولا تزال صغيرة ويمكنك اعادة تشكيلها ان شاء الله. وفقك الله وطمنينا عنك.

صورة علم Jordan
مجهول
قبل 6 ساعة

احترميها بما يرضي الله واعتبريها مش موجوده فقط بريها ولا تنتظري منها شى حاولي اسرعي في توضيب شقتك والانتقال للسكن الجديد

صورة علم Saudi Arabia
مجهول
قبل 4 يوم

خلصي شقتك بسرعه وخدي بنتك من هذا الجو الكءيب وروحي عيشي حياتك براحتك.

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

 


احجز استشارة أونلاين

اختر الخبير الأنسب لك واحجز معه جلسة استشارية خاصة على الإنترنت في الوقت الذي يناسبك.

احجز الآن