صورة علم Jordan
من مجهول
منذ 17 يوم 20 إجابات
0 0 0 0

أحب أهلي ولكن كيف تتعامل مع بشر بشكل مقدس

أنا طالبة جامعية وبعاني من تذبذب علاقتي بيني وبين أهلي "بالذات أمي" بحبهم حب كبير وما بتخيل حياتي بدونهم، بس كيف تتعامل مع بشر بشكل مقدّس؟ كيف يعني العلاقة كلها لازم تكون ممتازة ودائمًا حاضر لكل كلمة وتلبية لكل شي وبالمقابل في أشياء ما بتعجبنا؟ بنضل كلنا بشر وإلنا أخطائنا وإلنا توجهاتنا وأفكارنا الخاصة،، إلنا لحظات غضب وتعب وعصبية مهما حاولنا نتحكم فيها بتضل تظهركيف أكتم غضبي مع أهلي؟ بس مرتين حاولت والله بتحول الموضوع زي النار جواتي لإني ما بتحمل


وبلحظة الغضب ما في تعبير بطلع هادي وبعد الغضب ما في داعي للتعبير بصير مثلًا ليه الأهل بعتمدوا أسلوب العتاب والصراخ بأبسط المواضيع والطلبات لدرجة إني بمتنع ألبي لإني شخص ما بتحمل حد يصرخ عليه بدون سبب أو يبهدله بدون اشي بستحق بس بعدها بندم برضه لإنهم أهلي! وغير عن موضوع المقارنات مع اخواني، الي مهما سويت وحاولت بالنهاية في حد بضل مفضل وأحسن عند أمي أنا جد تعبت من الموضوع، وبرجو من الشخص الفاضل الي حيرد إنه ما يكون الجواب بأسلوب عتاب لإنه تعبت عتاب من حالي ونفسي ألاقي حل بس مو ملاقية بحبهم ونفسي أضل أخدمهم وأساعدهم وأبرهم لأموتبس التفاصيل هاي بتزعجني وبتخوفني من إني أدخل في العقوق أو ييجي يوم أفقد حدا منهم وأكون ندمانة جدًا وأنا أستشعر الندم من هلأ وإذا اجا هالوقت ما رح أقدر أصلح وما رح أتحمل كيف أشبع رغبتي بالوجود والاحترام كإنسانة وبنفس الوقت ألبي كل طلباتهم مهما كان الأسلوب -الي يمكن هم مو قادرين يتحكموا فيه من باب التعويد- حتى أحافظ على برهم؟

أضف إجابتك

صورة علم United States
السؤال التالي