خايفه على اختي من امي

السلام عليكم .. عمري 20 سنة متزوجة من ثلاث سنين ، مشكلتي هي طريقة تفكير امي وخوفها المدمر بنظري .. عندي اخت وهي اختي الوحيده عمرها 12 ونص (وباقي اخوتي اولاد ) وحاسه ان امي لو استمرت بطريقة معاملتها السيئة لاختي هتتأثر نفسيا .. امي كل شي في بالها ان غشاء البكاره هو اهم حاجه في الدنيا للبنت وتخاف علينا كتيير لدرجة الاختناق .. مابتسمح لاختي لا تطلع حتى للدكان للي جنب البيت الا اذا كانت بتراقبها او ترسل حد من اخواتي اولاد معها واذا اعترضت اختي بتصير تحكيلها انها بنت مو سهله وليه بدها تطلع لوحدها وحتى عندي مابتخليها تجي واذا جات مابتنام عندي والسبب انها تخاف عليها من زوجي انو يعني يروح لها او هيك ( امي اعترفت لي قال مافي ثقة بالرجال ) بلعتها وخلاص ومن كثر المصائب للي تشوفها عاليوتيوب زاد هوسها اكتر تخاف عليها من اخواتي من المدرسة هي للي بتوديها وهي بتجيبها بتشكك بكل شي وتحقيق ع كل شي واختي متأثره ولما بتحكيلي بحس انها كاتمة دموعها اذا حكيت مع امي بتقولي بتدافعي عليها ليه وتزعل ، وامي من النوع للي اذا قلت لها كلمة تزعل وتظل فاكراها واختي مع كل هالمشاكل صارت عصبية وتعلي صوتها على امي وماما طبعا تعاقبها وتحط بقلبها عليها وتصير تعاملها معامله سيئة وانا احكي مع امي واقولها انها مراهقة اصبري عليها ورح تكبر والان هي بمرحلة صعبة بس امي ماتسمع مني وتقول ان كل ده دلال وبس من اختي مع العلم ان امي طريقتها بالتربية الصراخ ثم الصراخ والضرب ... وبصراحة مابدي اختي تعاني من للي عانيتو انا بصغري امي مع الاسف رغم حبها لينا الا انها ام مهملة لينا من ناحية ملابسنا وكل شي رغم اننا من عائلة ميسورة الحال الا اني دائماً اتذكر نظرات الاطفال وانا صغيره لي وضحكهم على طريقة لبسي كانني بنت مالها حدا وده اثر عليا وعلى نفسيتي وانعزلت وفقدت الثقة بنفسي وخوف امي زاد عليا اذ اني ما كنت لا اخرج ولا ادخل وبخاف روح لمكان لحالي مابعرف احكي مع الناس بخاف اركب تاكسي بخاف من جنس الرجال من غير سبب بس بسبب امي وزرعها الخوف في قلوبنا كاننا في غابه .. وتزوجت طبعا بفضل امي وضغطها .. وبعد زواجي قررت اني اعالج نفسي بنفسي وبدأت اقرا كتب عن علم النفس وكيف اثق بنفسي واتغلب ع خوفي من الناس وفعلاً نجحت والحمدلله وكنت بحط نفسي في اختبارات ومسمتره على ذلك .. والان بسبب ماتفعله امي باختي خلااص بحس شبح الماضي بيرجع لي وصرت اخاف على بنتي للي عمرها اربع شهور بدون وعي وقصد ومابحب حتى اغير لها وابوها جنبي وبعدين ارجع استغفر الله والله العظيم احياناً مع نفسي وبيني وبين ربي اقول اني ساحاسب ابي على عدم اختيار الام المناسبه وبرجع استغفر الله .. عارفه ان كل ده من خوفها الزايد علينا وانا عارفه ومتأكده انها بتحبنا بس طريقتها غلط .. بس انا خايفه علي اختي وبدي اعرف كيف رح اتصرف ؟ اسفه لاني طولت عليكم ^^