أشعر أنني ظلمت ابنتي كوني أمها فقط!

قضايا اجتماعية
أشعر أنني ظلمت ابنتي كوني أمها فقط!

انا عايزاكي تعرضي مشكلتي بدون اسم هيه قصتي طويله شويتين بس اتمني انكم متملوش وتقرؤها وتفيدوني انا عمري28 سنه تزوجت وانا عمري 24 سنه من ورا اهلي صاحب الشغل اللي كنت بشتغل فيه اهلي ناس علي اد حالهم والدي متوفي وامي توفت من اربع شهور فضلت مخبيه قصه جوازي عن امي لمده سنه لما اصبحت حامل قولتله قالي لازم ينزل وانا كمان معترضتش لأن كانت ظروفه الماديه ساعتها لا تسمح انه يفتح بيت تاني لانه متزوج حاولنا لمده تلات شهور اننا ننزل البيبي لكن ربنا مأردش وهو ولا هو هنا معندوش اي حلول غير انه ينزل وخلاص عملت كل حاجه ومفيش فايده خوفت من الفضيحه وشربت حبوب وقررت اني انتحر لكن هو لحقني لكن الحبوب دي خلتني غايبه عن الوعي حاولت امسك نفسي وروحت بيت اهلي وكانوا مصممين يودوني لدكتور قولت لأختي اني حامل الصدمه كانت كبيره عليهم وعلي امي بس قولتلهم اني متزوجه زواج عرفي والورق مع زوجي المهم امي كلمته اعد يقولها اديني فرصه 10 ايام ارتب اموري واقول لأهلي وانا هتجوزها رسمي امي مصدقتوش قالها هتجوزها واطلقها ودا اللي عندي المهم اخواتي الصبيان عرفوا وجوز اختي جابوه وضربوه علقه موت واتجوزني وطلقني امي سعت برده انها تنزل الحمل برده مفيش فايده وهو كمان بعت لأهلي قال ليهم لو نزلت الحمل هشتكيها وكلمني وقالي ان اهله قالبين الدنيا وعايزين ياخدوا حقه وهو بيحاول يعدي الدنيا وقالي لو عايزه نبقي مع بعض احتفظي بالحمل عشان دا اللي هيرجعنا واول ما تولدي هرجعك صدقته وفعلا احتفظت بالحمل وولدت ومرجعنيش واعد يديني وعد في التاني في التالت ومن الوقت دا لحد النهرده عدي اربع سنين وهو في وعود وظروفي الماديه وحشه وبكره تتعدل انا صعبان عليا بنتي اللي جات في ظروف زباله هتكبر ازاي كدا واهل ابوها ولا حتي يعرفوا شكلها ايه ناس تقولي اديهالهم عشان يبقي ليها عيله بس مش قادره اعيش من غير بنتي وكمان انا ظلمتها اصلا اني امها لاني مفكرتش فيها وجبتها في وضع بالشكل دا اعمل ايه ارجوكم انا بقالي اربع سنين ربيت نفسي فيهم بما فيه الكفايه حبست نفسي وبعدت عن الحياه ومبعملش حاجه غير اني اربي بنتي يعني والله عارفه اني واحده مستهلش الحياه حد يقولي اعمل ايه من غير ما يهني وربنا ما يكتبها علي حد ودلوقتي كمان امي ماتت وانا اعده انا واخويا الصغير وبنتي في شقه والدتي والدنيا فضت عليا انا وبنتي ولينا رب

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • المدرب ماهر سلامة وهل حكمت على نفسك بنهاية الحياة سيدتي؟ لم لا تعملي، وترتقي بنفسك بدل هذا الاستسلام، حتى ولو عن طريق مهنة تعملينها في بيتك. استعدي للقادم سيدتي فهو سيكون أصعب من الذي مضى، غدا ستكير ابنتك، وستحتاج تعليم، وانصحك بعدم الاعتماد على من كان زوجك سيدتي. م حدث لك حدث للكثيرين، ولكن معظمهم لم يهزم ويتوقف. انهضي من جديد سيدتي، واعتمدي على نفسك ولا تهتمي لما كان قد حدث. بالتوفيق لك سيدتي دائما والى الامام
  • صورة علم United Arab Emirates
    صورة علم United Arab Emirates
    من مجهول
    الفكره انك تصغطي على قلبك وتودي بنتك لابوها عشان تعيش حياة كريمه او انك تعملي شغل من البيت وتبيعي اكلات وحلويات للحفلات وتبيعي وتكبري نفسك حبه حبه وبنتك بحضنك وربي يسهلك امورك وماعاد تصدقي هذا الرجال لانه كذاب ويلعب عليكي
  • animate

  • صورة علم Saudi Arabia
    صورة علم Saudi Arabia
    من مجهول
    ارفعي عليه قضية
  • صورة علم Kuwait
    صورة علم Kuwait
    من مجهول
    روحي اشتكيه بالمحاكم عليه حق الانفاق على بنته واسالي محامي افضل
  • صورة علم Saudi Arabia
    صورة علم Saudi Arabia
    من مجهول
    انتى غلطى بس اتجوزتى وانفصلتى أصبح الأمر عادى عيشى الوضع وربى بنتك وقولى يارب هو المعين درس ليكى وعدا
  • صورة علم Kuwait
    صورة علم Kuwait
    من مجهول
    كل شئ انتهى لا داعى للتانيب حاول تعتمد على نفسك اشتغلى ربى بنتك وهو لو فيه خير يسأل غير كده اعتبريه وانت ارمله عجلة الحياة لن تتوقف
  • صورة علم United Arab Emirates
    صورة علم United Arab Emirates
    من مجهول
    انتي لا تخافي الله غفور رحيم ممكن عندك نصيب تاني تحركوا ترزقوا لا تسمحي لها المشكلة تهدك الدنيا مبتعلمش بسهولة
  • صورة علم Egypt
    صورة علم Egypt
    من مجهول
    اللي حصل حصل والمفروض تعوضي بنتك اللي عملتيه فيها بانك تواجهي الدنيا وتكوني ام كويسه تتعب وتربي صح شوفي شغل محترم تصرفي بيه عليها وعلي نفسك ولو ابوها رافض يديها حقها انسيه وخلي ربنا ياخد منه حقها انتو الاتنين جنيتوا علي طفلة لاحول ولاقوة وبهدلتوها فاتقي ربنا وابتدي حياة كريمة تليق بيها لما تكبر
  • صورة علم Qatar
    صورة علم Qatar
    من مجهول
    الك الله احسن من الكل يا حبيبتى كانت غلط وهلى بتدفعى الثمن ربنا معك بلا من هيك آب
  • صورة علم Saudi Arabia
    صورة علم Saudi Arabia
    من مجهول
    اصبري ربنا كريم وم بنسي حدا ربنا يسهل ليك ولي بنتك
  • صورة علم Jordan
    صورة علم Jordan
    من مجهول
    استغفري وصلي وادعي ربنا بالفرج والخير تقربك من ربنا هو الحل لانه الناس ما بترحم ياريت لو عندي طفل ...كيف الك قلب تنزليه؟؟ربنا اله حكمه من هالشي
  • صورة علم Egypt
    صورة علم Egypt
    من مجهول
    يعنى ايه معنديش بیبی
  • صورة علم United Arab Emirates
    صورة علم United Arab Emirates
    من مجهول
    اشتغلي يا اأختي واعتمدت على نفسك وانسي وامسحيه من حياتك وكأنه لم يكن ولك الله
  • صورة علم Egypt
    صورة علم Egypt
    من مجهول
    انتى بتدفعى تمن غلطتك وانسى انه يرجعلك هو مش عاوز مسءوليه تانى خلاص وخايف على بيته ومراته وولاده انتى تستاهلى لانك اخدتى واحد من ع مراته وولاده وخنتى ثقت اهلك وطبعا ده مش جواز اصلا ده كله حرام ف حرام المهم دلوقتى البنت دى حقها هيضيع ف ابوها وانتى مسيرك هتتجوزى واخوكى هيجوز ف البنت لازم تروح لابوها ويربوها اهله عشان دى فعلا مش هيبقى ليها حد
  • صورة علم Morocco
    صورة علم Morocco
    من مجهول
    عندما تفعلون الحرام لا تفكرون في العواقب استغفري ربك الله يهدي الشباب الطائش
  • صورة علم Saudi Arabia
    صورة علم Saudi Arabia
    من مجهول
    النكاح باطل ، لانه لا نكاح بدون ولى ، وما بنى على باطل فهو باطل ، استغفرى ربك كثيرا واطلبى منه الرحمة
  • صورة علم Tunisia
    صورة علم Tunisia
    من مجهول
    السلام عليكم يا اختي اللي حصل حصل انسي بقا والتفتي لروحك ولبنتك وعيشي حياتك اشتغلي وابتسمي لبنتك وللحياة وربنا يعوض عليكي المهم ان بنتك ابوها موجود وهي موش بنت حرام يالله انطلقي وعيشي حياتك وكفاية اتكال على الغير وربنا يوفقك وكوني ست محترمه عشان تفتخر بنتك بيكي لما تكبر سامية بن شتوح ٠٠تونس٠٠
  • صورة علم Tunisia
    صورة علم Tunisia
    من مجهول
    السلام عليكم يا اختي اللي حصل حصل انسي بقا والتفتي لروحك ولبنتك وعيشي حياتك اشتغلي وابتسمي لبنتك وللحياة وربنا يعوض عليكي المهم ان بنتك ابوها موجود وهي موش بنت حرام يالله انطلقي وعيشي حياتك وكفاية اتكال على الغير وربنا يوفقك وكوني ست محترمه عشان تفتخر بنتك بيكي لما تكبر
  • صورة علم Egypt
    صورة علم Egypt
    من مجهول
    ابدا ي حياتك ولا تفكري بالماضي حتى لو اخطاتي البنت مكتوبة باسمه واتصلح الأمر كأنه مات اشتغلي وربي بنتك وفكري بمستقبلها وحاولي تنسيه وادعي ربنا لو فيه الخير يجمع شملكم لكني ارى انه نذل ولا يستحق التفكير فيه ضيق الحال ليس مبرر لترك لحمه وانتي مش اول ولا اخر وحدة حصل معاها كده المهم التحدي فالجاي وربنا يعوضك خير
  • صورة علم Saudi Arabia
    صورة علم Saudi Arabia
    من مجهول
    وقمة قلة الادب روحي اسألي الذي حلل لكم الزواج العرفي الذي محرم بلاسلام شرعاًناس تتعدي حدود الله وترجع تطالب بحلول لحقهم الخزعبلات برغم ان الحل كان قد سبقك بلقران الكريم قبل ان تقعي بلكارثه توبي الي الله توبة نصوحا وهو من يفرج الهموم

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟