قلة خبرتي بالرجال جعلتني محتارة بأمر خطيبي!

قضايا اجتماعية
animate

انا بنت عمري 23سنة مخطوبة لواحد عمره 31 مشكلتي انه بيقولي حاجات غريبة واحنا خارجين مع بعض مثلا انه كان يعرف بنات كتيير وخبرة و كان بيظبط هو و اصحابه بنات ساقطات بياخدوهم بالعربيات ويمارسوا الجنس معاهم ، وبيحكيلي تفاصيل العلاقة الجنسية معاهم انه كان بيعمل وقتها كذا و كذا ، المهم كلامه صدمني و جرحني جدا وزعلت منه في نفسي اوي و نفسي قفلت منه، الغرييب بقي انه يحكيلي و يسالني مالك في حاجة وبيبقي بيبتسم و هو بيحكي ،انا فكرت ان يكون كلامه هزار و قعدت اساله انت بتهزر معايا يقولي واهزر معاكي ليه، انا بقولك الحقيقة انا ده حصل فعلا قبل ما اخطبك ،قولتله طيب بتحكيلي الكلام ده ليه دلوقتي، يقولي عادي ، انا قولت في نفسي يمكن حاسس بالذنب و عايزني اسامحه ، المهم انا بينتله اد ايه الكلام ده ضايقني و لما لقاني قفشت قالي بهزر معاكي ، هو كل ده طبيعي، المشكلة انه بيحكي الكلام ده مش بندم ولا كانه عمل حاجة غلط لا ده بيفتخر بنفسه انه كان ببعمل كده و بعدين اضمن منين انه بطل و تاب، في حاجة كمان انا بتصل بيه كتير الاقيه انتظار علطول و ساعات في وقت متاخر من الليل ، لدرجة اني مرة رنيت عليه كانت الساعة تقريبا 12 لاني شوفته online علي الفيس فعرفت انه مش نايم فطلبته لقيته انتظار و كمان ما قفلش وكلمني لا ده رد عليا علي الفيس انه معاه تليفون ،معرفش تليفون مع مين الساعة 12 بالليل لحد الساعة 1 وبعد مخلص كلمني و كان صوته ناعم و مدلع اوي ، انا قلقت بس مفهمتش حاجة ، الموقف ده اتكرر تاني بس المرة التانية خلص مكالمة و مكلمنيش اصلا ،صحيت الصبح زعلانة انه معبرنيش وبيتعامل عادي ولا كان فيه حاجة ، كل فترة يكلمني في موضوعات الجنس و يقولي هعمل فيكي كذا و كذا بعد الجواز وانا كنت بصده وبعدين لقيته بيزعل ويقفش ويقولي عايزك تتعودي عليا فبسكت ساعات و اقفش ساعات ، انا مش عارفة ليه بيقصد يغيظني بموضوع البنات ده ، و عارف معلومات وزتفاصيل عن البنات كانه كان بنت قبل كدة، انا اكتر حاجة بتضايقني لما يعاكس واحدة قدامي من غير مراعاه لشعوري ، كانت اول مرة نخرج مع بعض و احنا قاعدين في مطعم ، واحدة اجنبية عريانه معدية وهو عاكسها بس مش بصوت عالي ،يعني هي ما سمعتش انا بس اللس سمعت الكلمة بالضبط وقولتله التصرف ده ما عجبنيش فضل يبص عليه لحد ما خرجت و يهزر معايا و يضحك و يقلب الموضوع هزار المهم عرف يضحك عليا و يسكتني و يحايلني، انا فعلا بقيت خايفة منه و خايفة اظلمه ،هلكل ده معناه انه زير نساء ،طب يا تري هيبطل بعد الجواز، و ايه مكالماته المتاخرة في الليل دي و لو سالته يقولي واحد صاحبه بس انا مش مصدقاه ، كان بيكلمني اصلا في الوقت ده زمان ساعة كل يوم قبل ما ننام ،بطل فجاه و بقي يقولي انه بينام بدري و بعدين الاقيه بيتكلم بالساعة في نفس الوقت تقريبا ، نسيت اقول انه مثلا بيجيب سيرة ممثلة او مغنية و يفضل يمدح فيها و في شكل جسمها و تفاصيله بطريقة كدة كانه قاصد يغيظني و يضايقني ، مع العلم اني بشهادة كل الناس اللي حولي بيقولوا دايما عليا اني جميلة جدا و امورة و هو اول مرة نتكلم بعد الخطوبة اصلا قالي اكتر الحاجات اللي شدتني ليكي شفايفك وشكل رجليكي من البنطلون باين انهم مش رفيعين و شكل جسمك علشان مدور ومليان شوية علشان مش بيحب الرفيعين و قالي اني امورةاوي وعاجباه جدا، بس معرفش ماله تصرفاته وكلامه علي البنات التانين من غير احترام ليا او مشاعري يقول اني مش مالية عينه. انا نفسي يا ناس اعرف هل كل ده مؤشرات مش كويسة انه هيخوني او هيتجوز عليا بعد الجواز ، خاصة انه مرة قالي ان كل بنت و ليها طعم و الراجل بيحب يتذوق ويغير لان التغيير مطلوب وان التفاحة الحمراء طعمها مش زي الصفراء ، وانا بسمع الكلام ده و بتغاظ وهو بيبقي في قمة سعادته ولما اقوله انت بتهزر يقولي عايزة تمشي الكلام ده هزار براحتك وانا عملت اللي عليا علشان متقوليش ما قولتليش و يضحك ، المشكلة انه بيقول الكلام ده بطريقة مش بتفهمني بتبقي بين الجد و الهزار. حد يفسرلي تصرفاته و كلامه و النبي لاني انا مشكلتي اني صغيرة و معنيش خبرة خالص في الحاجات دي و هو اول راجل اكلمه في حياتي كلها ،اصحابي و اخواتي كلهم بنات بس ،مش بختلط باولاد خالص طول عمري ،نفسي افهمه قبل ما اتدبس انا بردو مش عايزة اظلمه بس انا بستغرب عليه اوي وابتديت اخاف منه. ساعوني ربنا يباركلكو.....

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • المدرب ماهر سلامة سيدتي يوجد مثل هذا الشخص الكثيرين. هم مرضى الهوس بالجنس، فاقدين للمحبة، نظرتهم للمرأة تفتقد للإنسانية، كما نظرتهم لاْنفسهم التي تفتقد للثقة بالنفس، ولإحترام النفس، وبالتالي هم غير قادرين إلا رؤية المرأة كجهاز جنسي لا أكثر. بعد الانتهاء من أول جماع بعد الزواج سيتحول الى شخص آخر أكثر عنفا، وشراسة، ستكتشفين كثير من الصفات الضعيفة التي ستنقلب عليك الى جحيم. احذري سيدتي فأنت أمام مهووس يفتقد حتى مفردات الحب والمحبة. بالتوفيق سيدتي في ايجاد نموذج الانسا، الذي يوكل له مهمة بناء عائلة وأسرة، ولا يرى النساء اعضاء في نوادي ليلية. شكرا
  • صورة علم Egypt
    صورة علم Egypt
    من مجهول
    الزانى لا ينكح الا زانية مينفعش تتجوزى واحد زيه حرام ده اصلا قالك بنفسه عمل علاقات مع النساء وبيعاكسهم قدامك وارتبط بيكى بس لشكل رجلك وشفايفك مش مختارك لنفسك ولا بيحترمك ولا هيهتم بيكى ويقدرك والراجل الخبرة (الشمال ) على عكس مابنات بتتخيل من الافلام معندهوش طاقة للحب بيكون استنفدها من زمان عنده شهوة بس وبعد ماياخدها ويمل هيعاملك اسوء معاملة غير الخيانة وممكن ينقلك امراض هو زى العاهرة واسوء كمان العاهرة احيانا ظروفها ونقص المال بيخلوها كده لكن ده بمزاجه
  • animate

  • صورة علم Saudi Arabia
    صورة علم Saudi Arabia
    من مجهول
    افسخي الخطوبه لاكثر من سبب اولا الزاني لاينكح الا زانيه او مشركه وانتي لا كده ولا كده ثانيا المجاهره بالمعصيه والتفاخر بيها حتي لو كان بيمعر ويفشر برده ثالثا بقي ان لو فرضا كل كلامه هزار فده شخص عبيط بيستمد متعته انه يشوفك غيرانه ومش هيبطل اسلوبه ده بعد الجواز ده هيزيد رابعا الواحده لما بتتجوز واحد تكون هي اول بخته بتحس معاه بالحب والمتعه في كل تفاصيل حبهم اما الشخص الخبره فعلي عكس المتوقع مش هيكون عنده طاقه للحب هيكون عنده شهوه وبس
  • صورة علم Egypt
    صورة علم Egypt
    من مجهول
    خطيبك دا نسوانجي درجة أولى ولو طلع فشار بعد الجواز هيتجرأ يردوا وهيخونك اخلعي منه وربنا يعوضك باللي أحسن منه وكويس انه كان صريح معاكي
  • صورة علم Algeria
    صورة علم Algeria
    من مجهول
    ستندمين أيما ندم إذا لم تفسخي خطبتك منه الان صدقيني ، انت محترمة و طيبة و سوف يرزقك الله بشاب محترم و طيب مثلك
  • صورة علم Saudi Arabia
    صورة علم Saudi Arabia
    من مجهول
    اهربي اهربي قبل لايصير بينكم زواج واطفال من جد حرام وحده ببراتك وطهارتك ترتبط باانسان قذر مثل هاذا
  • صورة علم Egypt
    صورة علم Egypt
    من مجهول
    انفصلى واهربى منه ده بيخونك وهيخونك ويطلع عينك بعد الزواج ده شايف اللى بيعمله انجاز بيتباهى بيه وبعد الزواج ممكن تلاقيه بيخونك قدامك وبيهملك انسان مش ملتزم ولا متربى علشان يحس بااى ندم
  • صورة علم
    صورة علم
    من مجهول
    أنت فعلاً ما زلت صغيرة جدأً على الارتباط بهكذا غنسان واضح أن لديه خبرة كبيرة مع النساء وأنه معتبر الموضوع طبيعي وشبه مؤكد أنه سوف يستغل برائتك ليخدعك بعد الزواج. يجب أن تكوني حاسمة منذ الآن وتخبريه انك غير مرتاحة له ابداص وتريدين أن تعرفي بالضبط ما الذي يدفعه للزواج وهل يريد الاستقرار والتوبة أم أنه فقط يزيد من تجاربه واحدة.؟ خوضي معه نقاش مطول لا تسمحي له أن يتهرب بالمزاح والهزار
  • صورة علم
    صورة علم
    من مجهول
    إنسان غريب فعلاً ولكن كما هو واضح جميع مؤشرات الخيانة واضححة عنده وهو منذ الآن يعدك بهذه الخيانة ويقول لك أنه يريد أن يجرب المزيد من العلاقات مع النساء بعد الزواج. سلوكه كله غلط بغلط وغير مريح أبداً لست بحاجة لأن يكون عندك خبرة مع الرجال لكي تعرفي أنه زير نساء
  • صورة علم Germany
    صورة علم Germany
    من مجهول
    ابتعدي عنه حبيبتيستتعذبين لو تزوجت هكذا رجل ،كل همه النساء ويفتخر ويجاهر بالمعصية،ستتعذبين اذا تزوجتيه لانه تعود على الخيانة ومعاكسة النساء وسوف يقارنك بهن لو تزوجتيه ولن تعيشي في أمان .الله يرزقك بزوج صالح تقي وهو الله يهديه
  • صورة علم Egypt
    صورة علم Egypt
    من مجهول
    اخلعي منه احسن
  • صورة علم Algeria
    صورة علم Algeria
    من مجهول
    شخص ايس محترم، اتصالاته ليلا احتمال كبير يخون فيك،اعطائه ايك تفاصيله مع البنات ، شيئ يجب ان ليس له ادنى احترام لك، سيعذبك كثيرا ،لن تسعدي معه و لن يتغير

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟