تصرفات والدي تثير الشكوك بداخلي ولكن ماذا أفعل؟

باختصار والدى بيفتح فيديوهات و حاجات مش كويسة من النت على حسابى و بيرجع يقول انى انا اللى فاتحاهم و يبين صورتى قدام امى انى انا اللى عملت كده و هوا الجهاز بتاعه بايظ و طلب منى يفتح اللاب توب بتاعى غشان يتسلى و يسمع قران بس الحقيقة انه بيفتح حاجات وحشة عاليوتيوب و بعدين تظهر ف المقاطع المقترحة و يجى تانى يوم لامى يقولها شوفى بنتك مع انى اصلا عاملة متابعة لقنوات معينة و مبشوفش غيرها و لو رفضت يقعد يتمسكن و يقولى انا ابوكى و عاوز اعمل حاجات مهمة و بعدين هوا كان رافض نجيب نت ف البيت عشان كده و لما جبناه هوا اللى بيجيب حاجات وحشة عليه انا الحمد لله امى واثقة فيا بس مش عارفة امنعه ازاى لانه كل مرة بيقدر عليا و بياخدو منى نزل من نظرى اوى و بعدين شك فيا اكتر لما قولتله بلاش تفتح محاضراتى و الروايات اللى عندى -عشان مرة فتح فلاشة عليهم و مسح حاجات كتير - لقيته بيقولى انتى اكيد عندك حاجات مش كويسة مخبياها مننا مع انه لما دور ملقاش حاجة كلها محاضرات و روايات و كتب و افلام قلب الترابيزة عليا و قالى دى كلها حاجات تافهة و بتضيع الوقت انا مش عاوزه ينزل من نظرى اكتر من كده و مش عارفة امنعه ازاى كل مرة بيقلب الموضوع عليا ارجوكم ساعدونى انا خلاص اعصابى اتحرقت