لقبنا بالعائلة القذرين بسبب أمي التي لا تعلم معنى النظافة

السلام عليكم مشكلتي ابتدأ من الصغر امي مش نضيفه وكانت عايشه فبيت عيله واهل بابا نضاف جدا لدرجة الوسواس وكبرت وانا بسمعهم بيحكوا علي قذارتها وقد ايه هي مهمله وهي كده فعلا حتي فنضافتنا مكنتش اعرف اني لازم اغير ملابسي الداخليه ولا ازاي انضف نفسي بعد الحمام كنت بشوف كل الناس فالمدرسه بيقرفوا مني وانا مش عارفه ليه وطبعا بقينا معروفين وسط قرايبنا بقذارتنا وهما بيتباهوا قدامي بنضافتهم والمشكلة أن أمي دائما كانت تحملنا احنا ده عمرها مقالت أنها كده كانت تخرج وتقولي ارجع الاقي البيت نضيف وانا مش عارفه انضفه ازاي و رغم أنها قليل ما بتنضف كنت فاكره وانا صغيره أن الطبيعي تبقي الإدراج مكركبه لحد ما كبرت وانا كارهه الوضع ده وروحت الجامعه عند عمتي ست نضيفه جدااا علمتني كل حاجه بس للاسف انا متعوده علي قلة النضافه وكنت بتعبها جدا لحد ما اتجوزت برضه بحاول ابقي نضيفه ومش عارفه لا فنفسي ولا فبيتي ولا فولادي جوايا غضب رهيب منها بعمل مجهود جبار علشان انضف بحاول كتييييييير اتغير اقعد شهر او اتنين محافظه علي النضافه وبعدين ارجع تاني ومعنديش وسط يانضافه محصلتش واخلي الشقه بتبرق زي ما عمتي علمتني ياتبقي تقرف وكراكيب وهدوم وزباله فكل حته مش عاوزه ولادي يبقوا مش نضاف مش عوزاهم يتعبوا زيي مش عاوزه بنتي جوزها يدعي عليا ولا هي تغضب مني زي ما انا غضبانه من امي رغم حبي ليها بقالي مده بنضف ومحافظه عالنضافه بس خايفه ارجع تاني تعبانه جدا ياريت تنصحوني اعمل ايه