أقرب الناس لي يعاملوني أسوء معاملة!

السلام عليكم ورحمة الله وبركاته ........ انا يا جماعة بنت في الثانوية باقيلي سنة التخرج . مشكلتي انو الناس يفهموني غلط بصراحة مو الناس اقصد عائلتي بذات امي وأبويا ببدا بامي . امي يا جماعة إنسانة تحب توري الناس انو بنتي شاطرة صح انا شاطرة ونسبي 99 اغلبيا بس مشكلتها تعصب سريع يعني لو مثلا خاصمت اختي الصغيرة تفك كل اللي فيها علي وتضربني ضرب وتقولي كل الناس احسن منك وانا أساعدك اغسل المواعين المشكلة انا اغسلها لا وبعد قدام خالتي بالجوال قمت قلت زودتيها قامت زعلت اكثر تقول ما شفت بنت لئيمة اكثر منك انتي رقم واحد في العالم ماخذة شهادات على قلة الأدب في المدارس وحوالي نص ساعة تتكلم وتقفل الباب بقوة ومرة ثانية تستمر وتقول المفروض تذاكري يا جماعة المشكلة انا في إجازة المهم تقول المرفوض تذاكري وتهتمي في نفسك وشعرك وكلام كثير طبعا كانت تخاصم وترا أيام كثير يصير كذا .....نروح لابويا. ابويا مرة طيب وأحبه مرة حتى امي والله المهم ابوباا يبغاني اكون البنت المسكينة اللي تحترم العالم كله وتبتسم زي الهبلة طول الوقت واكون منزلة رأسي لأي أحد ...هيييه مو لذي الدرجة ..عاد كذا ما بكون إنسان . وهذا الشيئ مرة مضايقني حتى مرة كنت يادوب صاحية من النوم ويقولون يا .......طبعا ينادون إسمي وانا انفجعت قلت ايش في قام ابويا زعل ويقول ايش قلة الأدب هاذي انتي مو بنتنا نحن ما نربي كذا انتي فضيحة والله كلام كثير زي كذا ....... طبعا اخواني كل واحد يبغاني احترمه احترامة الاب المشكلة أنهم أصغر مني وطبعا اخواني لهم قصص ثانية وأختي صغيرة ما تسويلي شيئ صح بعض الأحيان امي وأبويا يخاصموني بسببها بس عادي .... وترى وانا ذحين جالسة اكتب امي وأبويا الاثنين لهم أيام مايتكلمون معايا ..... فأنا أفكر في الانتحار وأفكر اروح اطعن نفسي بسكين اروح انط من فوق اسوي اي شيئ دائما هذا كان يشغل تفكيري بس المدرسة عالم ثاني الكل هناك يحترمني وافهمه وانا والله أحبهم ومستمتعة بعكس البيت تماما المهم مرة كتبت في ورقة بنتحر امي شافتها وراحت علمت ابويا وأبويا كان بيضربني طبعا هذا زاد تفكيري في الانتحار يعني بدل ما يخففون علي يزودونها. .. والحمد لله صرت هالفترة ما ابكي امسك نفسي بس والله قلبي معورني يعني من يوم بدت الإجازة بدت معاناتي بس تدرون وش يخففها صحباتي وأهم شيئ الانمي لاني اوتاكو. .. والله معليش كان ودي احكي اكثر بس احس طولت عليكم ...... والسلام عليكم