أشعر بالاختناق في بيت أهلي ولا أملك أي حرية

حال كل البنات يا ابنتي فحياة المراة العربية كلها كبت من بيت اهلها لبيت زوجها

انتي حره و لستي عبده مملوكة ناضلي لاجل احلامك و مستقبلك

ارجوكم ساعدوني بدي حد مختص او أي إنسان هل هاد حلال أنا ما عم أتحمل حاسة حياتي خربانة ما فيها شي زابط من وأنا صغيرة أنا الطفلة الوسطى بعيلة تتكون من ٧ بنات بدل ما أكون بعايلة كلها حب ولطف وحنان وأكون أنا واخواتي السند والحب لبعض كنا العكس خواتي جزء كبير من تعاستي أبي المتشدد يلي ابوته ل ٧ بنات ما قدرت تخليه يلين بالعكس قسانا كلنا أمي يلي الخوف دائم عندها خلاها تخنقني كبرت أبوي عصبي دايما العقاب قبل المكافأة عنده ضرب وأنا صغيرة على أي علامة ينقصها مجرد دخوله للبيت يعني سكوت ممنوع حكي ممنوع صوت التهديد كله بغضب بابا وضربه كبرت ما قدرت احبه لكن الحق يقال كان مسجلنا في مدارس انترناشونال وكان يشتري لنا ملابس جيدة وماركة أمي يلي عندها حرام وعيب كل شي عشان ما احب شكلي كثير ولا اركز عليه وأنا طفلة ضلت تحكيلي إني مو جميلة وإنه ما عندي غير دراستي وأخلاقي اركز عليهم فقط لأحظى حب او احترام الناس طول عمري متفوقة أنا واخواتي لكن ما كان في أي نوع خصوصية أبدا اكتب في دفتر مذكراتي كطفلة اهلي وخواتي ياخدوه وامي تقرأه واتبهدل على مشاعري كطفلة أني متدايقة او هيك ولا مرة أمي حاولت تحل المشكلة بس تشوف كتابتي فقط بهدلة الي واني حقودة واني آكل وأنكر دايما كنت طفلة عادي متلي متل الباقين العب واكون بريئة كل قرايبي كانوا يوصفوني بالهبلة يتمسخروا على شكلي وشعري وشخصيتي كبرت عندي نقص كلامي مو مسموع لا عند اهلي او أقاربي بالمدرسة ما عندي صديقات وبرضو مهمشة كبرت صرت صف خامس كنت العب أنا وأختي الصغيرة وابن خالتي كنا كلنا أطفال بيت بيوت انه عائلتين زوجة وزوج وأطفال لكن اهلي ما شافوه بعين بريئة اخوتي الكبار هددوني وصفوني بقليلة الأدب والوقحة هددوني بأخبار أمي وفعلا اخبروها بالصف السادس اجتني الدورة الشهرية لأول مرة ما كنت اعرف شو هي ولا إنها اجتني ما كنت افهم إنها اجتني هيك أمي عرفت عن طريق شافت ملابسي بهدلتني قدام كل خواتي سألتني لو اجتني ما كنت افهم شو هي حكيت لا صارت تحكي عني زانية وتصرخ علي قدام الأكبر والأصغر مني وما اعتذرت مني ولا حست بالذنب بالعكس شافت إني أنا السبب وأنا لازم اعتذر لأني لعبت قبل مع ابن خالتي أنا وأخوتي الصغار هيك لعبة فأنا زرعت الشك فيها وما كان الي حق الاعتراض أبدا في الصف الثامن صفي كله بنات ولا نرى الذكور في المدرسة إلا نادرة من النوادر وضعت نتفة كحل من صديقتي أمي شافت وعرفت تبهدلت انضربت انجكالي إني بكرا رح اغلط مع أي شب عادي واني بنت سيئة وكالعادة أنا اعتذرت لأنه أنا يلي وصلتها تحكي هيك كان ممنوع علي اعمل حساب فيسبوك لأنه من وأنا صغيرة طفلة بضل ينحكالي إني رح انحرف واني رح اغلط لو انعملي رغم انه اخواتي الأكبر انعمل الهم عادي بعمر اصغر بكثير المهم بسبب التعليم الإلكتروني بصف عاشر انعمل الي حساب فأنا صرت اعلق على الجروبات بحساب باسم غير اسمي مرح وضحك مع مختلف الناس لا انكر أني غلطت لكن كانت هاي اول مرة أشوف في ناس مهتمين لحكيي ناس يضحكوا ويتقبلوه فرحت اختي الأكبر مني اكتشفته وسحب مني الايباد هددتني حتى اسمع كلامها وفضحتني عند باقي اخوتي وما اكتفت حكت لامي انضربت اندعى علي سمعت اسوأ كلام واني بنت سمعتها سيئة واني ممكن ازني بأي وقت واني عار عليهم ويا ريت ما خلفوني كانت هاي اول مرة احاول انتحر لكن فشلت طبعًا وعوملت بأسوأ طريقة منهم بعدين صرت اول ثانوي كل البنات عندهم إنستا إلا أنا ممنوع وما عندي جوال حتى عملت حساب إنستا دون علم اهلي ما عملت شي عليه فقط حطيت صورتي عليه وكنت في تلك الفترة احب أتصور عشان نفسي عشان احس حالي حلوة اهلي ما عجبهم الصور اكتشفوا الصور والحساب انضربت تبهذلت وبرضو سمعت اسوأ الكلام عن أخلاقيتنا ممنوعة احضر اي مسلسل او شي ودايما اتبهدل واسمع كلام واتذكر بالمواقف هديك استخرت هاي الحالة وصلت توجسي وغلطت حكيت مع شاب اهلي عرفوا حاولت انتحر كمان كان عندي اكتئاب امر بفترات هوس واكتئاب طلعت نتائج الثانوية جبت ٩٤ اهلي بهدلوني صرخوا علي ما حدا فرح فيي ضلهم يحكولي إني فاشلة واني أحرجتهم بعلامتي ما حدا باركلي حتى لو ابتسمت بتلك الفترة كانوا يعايروني اخوتي وامي وممنوع اعترض ليذكروني بذنبي إني حكيت مع شاب مسموح الهم يعملوا كل شي فيي وممنوع اعترض حقهم لأنهم اخوتي الكبار هاد حكي أمي عدت توجيهي رفعت ل٩٧ ما حدا باركلي كلهم يكرهوني طبعا خلال هاي السنين ممنوع فعليا يكون معي هاتف وعادي بتفتش بكل شي الي خزانة سرير ورق دفاتر عادي وممنوع اعترض الكل ما يحترمني الصغير والكبير وكل ما اعترض على تعاملهم بنحكالي إني السبب صرت جامعة تخصص ما بدي اياه ولا جامعة بدي إياها ممنوع اطلع اي مكان برا الدار وممنوع يزوروني صاحباتي او أزورهم ممنوع احكي تلفونات مع صديقاتي داخل البيت إلا نادرا ولا أأكد الهم إنهم بنات ممنوع اتأخر بالجامعة ممنوع أحط مكياج تلفوني عادي يفتشوه بأي وقت ممنوع اعترض تسجيلي لجدولي الجامعي لازم اختي الكبيرة تزبطه ممنوع اصل بالجامعة مع البنات بعترف إني بالجامعة دون علم اهلي كنت أضع مكياج ولبسي كان ضيق شوي اعجب فيي الكثير من الشباب وطلبوا رقم والدي كنت محترمة مجتهدة معروفة بذكائي ما بقعد ع شباب او بوقف معهم لكن لا انكر أني حكيت عالواتس مع بعضهم بالدراسة ومرات كان يتعدى الدراسة لكن كان دايما الحكي محترم وما كنت بعلاقة مع اي حد منهم لكن هم كانوا معجبين اهلي عرفوا ضربوني سبوا علي دعت امي علي اختي عندها بوابتي الجامعية عادي الكل يفتش بكل شي يخصني حياتي دمار ما عندي خصوصية حياتي مو ملكي كل شي ممنوع علي أتمنى أموت حاولت كثير انتحر لكن كلها فشلت وما ضل منهم غير ندبات راجعت بفترة طبيبة نفسية شخصتني باضطراب الشخصية الحدية واكتئاب حاد وكتبت لي أدوية ضرورية لدرجة حكت انه لازم الأدوية وإلا اروح عالمصلحة بس اهلي ضد الدوا وبهددوني يحكوا لبابا لأنه باباي عصبي ورح يضربني أصلا أنا جامعة وابوي ما زال يضربني لأني مثلا اشتريت إندومي او لأني بكيت او عملت مشكلة مع اختي او فتحت التلفاز شو اعمل بحياتي أنا بعرف غلطت حكيت مع شباب وضعت مكياج بس هل هاد مبرر؟! وأنا توقفت من سنتين تقريبا الذهاب للطبيبة النفسية في كثير تفاصيل ما حكيتها بس هاد الأبرز هاي أنا وهاي قصتي اغلبها توضيحي لمشكلتي يمكن ما كان أوضح شي بالسؤال 

حبيبتي بنتي استهدي بالله شكلك عصبية ومتهورة شوي رجعي الثقة مع اهلك والتحقي بتحفيظ عن بعد

عزيزتي  اهلك  يريدون الحفاظ  عليكى من الذئاب  البشرية  ،  معدومين  الدين  والضمير  ،الناحيه  الاخرى  لايجوز للمسلمه  ان ترتدى ملابس ضيقه  توصف وتشف جسمها ، عيشي  حياتك  طبيعي  وحافظى على نفسك  والله المستعان...

عزيزتي للاسف المجتمعات العربية لازالت تنظر الى التحرر كأنه جريمه ، بينما هو في الواقع حريه شخصيه يحق لكل شخص ان يلبس مايشاء ويكون علاقات مع من يشاء دون اكراه . كوني قويه وأصري على اختياراتك ومع الوقت سوف يقبلوا تحررك لكن بالتدريج. وفقك الله. 

انت تصرفت من وراهم ففقدوا الثقة فيك، انت السبب في شكهم، اهلك ترى عاديين بالنسبة للمجتمع لكن انت لاتريدين ان تمشي على عاداتهم وهذا صعب، تكيفي معهم ، اهلك بما انهم ينفقوا عليك فيجب عليك طاعتهم، إحبيهم وتأقلمي معهم وسايريهم واطيعي الله قبل ذلك وسترين الحياة جميلة وسيحبك اهلك ، لا ارى ان هناك مشكلة قوية لكن انت تريدين الامرد كمايبدو، وللعلم الجامعة ليست مكان للمكياج ولصحبة الشباب وللبس الضيق، انت رايحة تدرسي ولاتستعرضي؟! حتى الاجانب عندهم الجامعة للدراسة ويلبسون فيها اي شي ولايضعون من المكياج الا القليل، اما صحبة الرجال والاستعراض فلها اماكنها الاخرى عندهم

كأنك تتكلمين عني نفس حياتي بالضبط في بيت اهلي في السابق والان انا مقاطعتهم ولا اطيق اسمع سيرتهم اقولك معليش تحملي وضعك شوي ان شاء الله تنخطبين وتطلعين من بيتهم وترتاحين تقربي من النسوان قرايبكم اللي عندهم اولاد علشان تنخطبين

مافي دخان بدون نار اكيد شايفين منك تجاوزات 

الصراحة الاهل ما يسوون كذا من فراغ هم خايفين عليكي ويمكن طريقتهم غلط بس نيتهم حماية الافضل تلتزمي شوي وتصبرى وتثبتيلهم ثقة مع الوقت الحرية تجي مو بالقوة ولا بالعناد