منعني حتى من التواصل مع ابني

انا كنت متزوجة من رجل احبه ويحبني على ماكنت اعتقد تزوجنا واصبح عندنا ولدين بعد الزواج اتغير كثير واهلو ماريحوني في حياتي كل اسبوع لازم يااخوانو عندي مع انو بيتنا ٣ غرف بايتين ياامو طبعا حتى اذا ماجات تتصل عليا في اليوم اكتر من ٣٠ مره في اليوم على الرغم من انو مو ولدها الوحيد عندها غيرو اربعه ووتركني في اصعب ظروفي ابويا اكتشفو عندو المرض الخبيث وتركني وشرد مع انو دكتور وبعدها بكم شهر مات ابويا وانا لسه على ذمتو حتى عزى ماعزانا ولا هوا ولا اهلو ماجو العزى وكان يخونني وماسكت وكان نتيجته طلاقي وتشتيت الاولاد والحين هوا اتزوج اللي كان يعرفها ورامي البنت عندي وماخد الولد لأنو امو متعلقة في الولد وانا وضعي صعب لا وظيفه عايشه على التقاعد لايسأل عن بنتو على الرغم من انها مريضه وبتتعالج بالكرتيزون لا ادري عن ولدي ولا حتى احد راضي يرد عليا يطمني عليه لأنهم عاملين ليا بلوك من جميع الجهات ليا ولاهلي وامي بتقول ليا اديلو بنتو احسن وانا مااادري ايش الحل