كيف أتصرف مع أهلي الذين لا يحبون رؤيتي؟

قضايا اجتماعية
كيف أتصرف مع أهلي الذين لا يحبون رؤيتي؟

السلام عليكم انا بنت عمري 21 بدرس هندسه يعني واعيه و عارفه الصح من الغلط و الحمدلله بصلي وما بقطع فرض و علاقتي بربي منيحه مشكلتي هي اهلي ، امي كبيره بالعمر وانا اصغر خواتي و كلهم متزوجين امي من لما وعيت ما بحسها امي يعني بسمع البنات بيحكو مع امهم بطلعو معها بفضفضو لامهم انا ما عندي هالاشي ، لدرجه احياناً بكون متحمسه احكيلها اشي ببلش ولا ما بلاقيها الا وهي بتحكيلي مش فاضيه و بعدين مع قصصك او بتمشي لغرفه تانيه يعني ما بتعطيني فرصه احكي لدرجه صرت خلص ما احكي معها باي موضوع اهلي مو مقصرين معي ومو حارميني اشي بس جديد صارت مشاكل مع اختي و زوجها و ما شفت خوفهم ع بنتهم ابداً همهم الناس والمجتمع شو بحكي لدرجه انو ماما بتدعي ع اختي تموت و ترتاح منهااخواني ما بوقفو معنا ولا ابوي وامي شو ما صار بحطو الغلط علينا من لما كنا صغارصرت انضغط منهم كثيييير و جد تأثرت نفسياً انا عصبيه بطبعي و صرت عصبيه اكتر اصرخ ع اي اشي و اثرت ع دراستي اني ما بركز و فجأه بلاقي حالي ببكي، بحاول ادرس بسمع اصوات اختي ومشاكلها و صراخهم بترك دراستي و بحط راسي انام وانا ببكي انعزلت عن كل اللي حولي و بس بضل بغرفتي عالافلام والمسلسلات و الروايات و الكتب وكل فتره والتانيه اطلع اغير جو مع صاحباتي اللي اختصرتهم كلهم الا تنتين ما الي غيرهم من جديد صارت مشكله انو اخوي متزوج معه مفتاح للبيت كنت مع بابا و ماما قاعده و لا ما لقيته الا داخل عالبيت ماي مو عامله شي غلط انا بس ما بصير اللي عمله فرضاً صحباتي عندي او مو لابسه اشي مستر نظراً انه هو اخوي حكيت لاهلي انو بس لو يرن الحرس و يحكي مين هو .... اهلي قلبو ضدي انو انا بفرق بينهم و بين اولادهم واني بدي اعمل مشكله واني غلطانه بابا حكالي هاد بيتهم و وصلت مع ماماا انها تحكيلي هاد مو بيتك وما بطلعلك تحكي هيك هي في غرف كتار بالبيت ضلي فيها دخلت الكلمه بقلبي متل السكين يعني بدل ما تحكيلي هاد بيتك لحد ما تموتي او لحد ما تتزوجي انو مثلاً تخليني احس انو في وراي عيله وناس يخافو علي ما حكت ... اتدايقت كتييير من كلمتها يعني انا وين اروح بحالي ؟ انا ما بقعد معهم الا عالاكل و احياناً 10د بابا بكون مشتاقلي بحكي معاي و برجع ع غرفتي شو اعمل معهم ؟ عندهم اخوي عن كل الدنيا هم زوجوه و بيصرفو عليه و شروله سياره واهم شي رضاه و لما اناقشهم بحكو الله يعينه بكفي مرته اللي مجننيته ! هاد وضع ؟ اخوي الصغير بجامعه و يا دوب بياخذ مصروفه واذا بده يطلع او يشتري اشي بنشفو ريقه ليعطوه ! خايفه من قصة اني اتزوج من وراهم لانه ما بشوف في سند وراي او في حدا يوقف معي لو صار اي شي لا سمح الله معي و زوجي لانهم رح يحطو الحق علي و يحكولي ياها متل ما حكو لاختي "الله لا يردك تستاهلي"و برضو ما بدي اضل قاعده عندهم و يعجبو علي و يأثرو علي اكثر من هيك ....حكيت كثييير بعرف. بس دلوني شو اعمل شو اغير بحالي ؟ كيف اتصرف مع اهلي ؟

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • المدرب ماهر سلامة سيدتي أنت تدخلين نفسك في منظومة عائلية ليست متطورة للاْسف، وحتى مفردة أن هذا بيته وما الى غير ذلك هي أشياء لم يعد أحد يتكلم بها إلا القليل. هكذا يفكرون، وحتما تفكيرك متطور أكثر منهم، ومن حقك أن تطلبي طرق الجرس فهذا أقل الاْدب واللياقة. لكن هذا واقعك سيدتي، الصورة الاجتماعية عند أهلك هي المهمة. عادة تضيع في هكذا ثقافة مفاهيم المساواة والحق والعدل...الخ...لذا عليك التركيز على دراستك وعالمك الجميل في غرفتك. هذا العالم أجمل حتما، وها أن تستغلين وقتك بالمعرفة التي ستترصد في ضميرك وعقلك وقلبك، وتمنحك لوحات شرفية في الارتقاء والتقدم. ركزي على تفوقك ومثابرتك فهذا هو المهم، الدخول في فوضى التفكير في امور العائلة ستشتتك وتزيحك عن هدفك. تذكري أولوياتك سيدتي وركزي عليها، و لا تتوهي في عالم الفوضى الاجتماعية التي تملاْ بلادنا. بالتوفيق
  • صورة علم Saudi Arabia
    صورة علم Saudi Arabia
    من مجهول
    كونى قويه وشجاعه وتمسكى بحقوكك
  • animate

  • صورة علم Jordan
    صورة علم Jordan
    من مجهول
    لازم تكوني هاديه ومش كل اشي تعملي منه مشكله اذا كل اب وأم وقفوا مع بنتهم ولو على حق كل البنات رح تطلق المهم ما يكون في ضرب وأهانه من الزوج وأما بالنسبة لأخوك خذي راحتك بغرفتك مش بكل البيت وخلي المفتاح معه أنا اخوي كان معه المفتاح ما في مشكله
  • صورة علم Germany
    صورة علم Germany
    من مجهول
    لا تعتمدي على حد ولا تجعلي حد هو سندك خلي دراستك وشهادتك وأخلاقك ودينك هم سندك في هذه الحياة لا الأب دايم ولا الام دايمه ولا حتى بيت العيله اللي إنتي فيه رح يدوم .. مصير كل انسان في هذه الدنيا انه يستقر مع عيلته وأولاده ...أخوكي الكبير مصيره ولو طال الزمن إنه ينشغل بأولاده ويعتمد على نفسه المسأله مسألة وقت لا أكثر ... وزوج المستقبل هذا نصيب مخبى ماحد بيعرف شو يكون لكن دائما استخيري الله تعالى قبل أي خطوه للزواج واجعلي زوجك أحد الأعمدة اللي بسندي حالك عليه مش كل السند دائما لازم الانسان يحفظ خط الرجعه .. وأمك أنتي حكيتي انها كبيره يعني فارق العمر كبير بينكم ويمكن أنتي بتجي بدك تحكي معها في أوقات غير مناسبه لالها تخيري الوقت المناسب ...الام هي كمان انسان وعندها نفسية مره بتتعب ومره بترتاح ولا تكوني حساسه زياده خذي الأمور بروح رياضيه متل اللي لما أبوه يضربه كف بعطي ابوه الجهة التانيه وبحكي لأبوه بتمون ... خليكي مرحه ولا تسمحيً للبكاء يرافقك بكره بتتزوجي وبتفهميً شو يعني بيت كبير بأولاد .. كلنا مرينا بالحساسية تبعك وهلا بنضحك على حالنا .. بس إنتي غيري نظرتك للأمور مو أكتر ....
  • صورة علم Morocco
    صورة علم Morocco
    من مجهول
    والله انتي حساسة اكثر من اللزوم بتفكريني فبنتي في نفس سنك تقريبا لما تعصبنا كمان اقولها ده مش بيتك خصوصا لما تحاول تتفاهم علي فامور البيت مو معناها اني هاوزة اخلص منها او مش بحبها ده حبيبتي ونور عيني بس ساعات النرفزة بنلطش اي كلام ادا امك معصبة من اختك عشان مشاكلها الزوجية فشي عادي عشان الاهل يحبو يسمعو كل خير عن ولادهم فبيتهم وادا انتي بعدتي عن امك فبارادتك لا ترجعي الغلط عليها ممكن انتي ما بتختاري الوقت المناسب لتصاحبي امك في طرق كثير تخرجي معاها لما تحب تتسوق تقعدي معاها فالزيارات العاءلية تتفرجي معاها على اي حاجة هي تحبها اطبخي معاها شاركيها اهتماماتها ولا تطلبي منها انها هي بس لي تسمعك هي كمان محتجاجاك والله بنتي بتعمل زي بتختار اسوء الاوقات تيجي تكلمني بس لما احبها تقعد معايا ما الاقيها ديما منعزلة فغرفتها والامر يحز فقلبي والامر يوسع الهوة بين الاهل مع الايام وما يعد حدا يهتم لحدا لهدا انت لك دور في كل ما يحدث ولا تلقي اللوم على والدتك فقط
  • صورة علم Egypt
    صورة علم Egypt
    من مجهول
    الحقيقه انت لديك قدر كبير من الحساسيه والتدقيق في كل كبيره وصغيره وهذا الشيئ لابد يؤثر ع اعصابك ويجعلك متوتره وانفعاليه طول الوقت...يجب ان تدركي وتؤمني ان بينك وبين والدتك اجيال ولهذا فالفكر مختلف والتعليم مختلف والاهتمامات مختلفه والرؤيه مختلفه ومن الصعب التلاقي حول نقطة اتفاق ...اجعلي لنفسك هدف لا ترين الا هو اجعلي هدفك الشهاده والمؤهل ثم العمل ولا تدعي اي حوارات في البيت تؤثر علي هدفك والبيت بيتك حتي لو صدر قول عفوي من احد الوالدين انه مو بيتك ارتقي فوق فكر الكبار وبري والديك وعامليهم باحسان ولا تقيمي عطاء والديك لاخوك فأنت في يوم سوف تتزوجين وتتركي هذا البيت زي المثل ما قال .... مصير الابن يبقي جار ....
  • صورة علم United Arab Emirates
    صورة علم United Arab Emirates
    من مجهول
    هذا هو التمييز بين البنت والصبي. مافيكي تعملي شي أهلك مافيكي تغيريهم ركزي بدراستك وحاولي تنجحي بدراستك وتشتغلي وتطوري من حالك اد مافيكي ولاعاد تفكري شو بفكروا أهلك ولا كيف طباعهم حطيلك شي هدف وحاولي توصليله .ممكن تتعلمي شي مهنة متل خياطة .كوافيرة.تطريز. .أي شي ومع شهادتك بتنفعك بالمستقبل اذا أهلك مارح يساندوكي بالمستقبل انتي بتكوني قوية وبتسندي حالك.
  • صورة علم
    صورة علم
    من مجهول
    اختي العزيزه خذيهاةمني انه جميع اهلينا بحبووونا لكن احنا احيانا منتحسس من بعض الاشياء الي ممكن تزعجنا ... يمكن انتي يا اختي شخصيتك حساسه وبتتحسسي من هذه الاشياء لذا كوني قويه ولا تتاثري من اي شيء يدور حولك
  • صورة علم Saudi Arabia
    صورة علم Saudi Arabia
    من مجهول
    اشوف الوضع عادي بس انتي مكبره الموضوع ،
  • صورة علم
    صورة علم
    من مجهول
    اطلعي من البيت وشوفي نفسك ..اتدربي وخذي دورات ..زيدي تقتك بنفسك ..اذا كان انتي مش شايفة نفسك في بيتك شوفي نفسك بشهادتك وعلمك وثقافتك ولا تخلي شيء يهز معنوياتك
  • صورة علم
    صورة علم
    من مجهول
    عامليهم كما تخبيى انهم يعاملوكي واحسني اليهم ..لا تخلي شيء يأثر ع علاقتكم او يخليهم يكرهوكي ..
  • صورة علم
    صورة علم
    من مجهول
    ما في اهل بيكرهو اولادهم ولكن انتي غيري من نفسك حاولي انك تتعاملي معهم بحب ولطافة اكثر ولا تنظرى انهم يفرقو او لا يعاملوكي مني فالافضل انك تعامليهم احسن معاملة حتى تكوني بارة بأهلك وتكسبي رضاهم

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟