كيف أكون شخصية كتومة

كيف أكون شخصية كتومة كيف اتعلم احافظ علي حياتي ولا احكيها لاصحابي ولا لاهلي انا لما بتعرض لضغط او مشكله بحكي وبسال ناس كتير وساعات بحكي عن الناس القربيه مني الي بتعرض منهم لاذي نفسي او معنوي او حتي مادي زي علاقتي بابي او زوجي ممكن احكي عن بخل زوجي في مواقف واذكرها والي احكي لها تتريق عليا ويرجع ضميري يوجعني واستغفر ربنا واقول حرام او احكي عن قسوة بابا وذله لينا ولاخواتي ولامي وارجع اندم ده ابويا ولازم استره واخلي شكله حلو دايما احكي بوجع وبعدها بتوجع اكتر اني عملت كدا خصوصا ان احيانا بكون بحكي لزميلة عمل لا اعرفها مش حتي بقول لناس ثقه حقيقي

انا انسانه وحشه اني بحتاج اتكلم رغم اني بحكي لله والله كل حاجه فهل انا مذنبه لانه كدا مش كفايه ليه بحكي للناس عشان كلمه معلش ولا عشان معتقده ان في حل وازاي كلامي مع ربنا ما خلاني احتاج للبشر انا عارفه اني غلط لكن انا حقيقي موجوعه من ناس كتير انا نفسي اكون سند لنفسي يعني الله ثم نفسي ولا احتاج للبشر ولا الحديث معاهم نفسي ابطل بس بحتاج اخرج الالم غصب عني بحكي مش كل حاجه اكيد بس انا محتاجه اكون كتومه وبس ومش عارفه ازاي