زوجي يتصرف مثل النساء .. هل هو شاذ ؟

عايزة اسال سؤال فى حاجات جوزى بيعملها بستغرب منه هل هو شاذ ؟.. بيحط كريم مرطب فى ايده و ساعات فى وجهه قبل ما يخرج من البيت و بيدهن كوعه و كعب رجله بالجلسرين ، و بيستخدم حاجات فى المكياج عشان يدارى مكان حبوب فى وشه . بيمشى مشية ويقعد قعدة شبه البنات شوية . مش بيعرف يتكلم ويفتح حوارات مع الرجالة بينطوى اوى مع الرجالة ،بعكس البنات بيحب يصاحب البنات ومش بيلاقى نفسه الا وهو بيتكلم مع مامته و يقعد يتكلم مع صديقاته الستات فى التليفون ولما بتكلم معاه يقولى مافيهاش حاجة دول مجرد اصدقاء بنحكى عن اللى بيحصل معانا فى الشغل ونسال عن بعض وخلاص بس انا بقوله كرامتى ما تسمحش بكدة يقفل فى الموضوع وبردو مش بيتغير ،انا بحس انه مش بيلاقى نفسه الا مع الستات وكلامه عامل زى كلام الستات بيتاثر بيهم من كتر الكلام معاهم. وعارف حاجات كتير عن الستات ومتابع موضة الستات اكتر منى! وعارف معلومات عن الستات انا معرفهاش . عارف الموضة فى لبس الستات والموضة فى المكياج ، وبيحب يتفرج على صور البنات على الانستجرام و قدامى ويورينى من غير احترام ليا ولمشاعرى ولما ازعل منه يقولى وفيها ايه وايه اللى يزعلك من كدة وكان اللى بيعمله ده عادى .انا تعبت معاه مش عارفة هل هو مريض نفسى ام شاذ ام ماذا؟ !