صورة علم Jordan
من مجهول
منذ سنة 5 إجابات
1 0 0 1

صاحب العمل انقلب علي فجأة ولا أعرف السبب

السلام عليكم ورحمة الله وبركاته انا طالبة جامعية ،، بدرس وبشتغل مع بعض صرلي بشغلي 3 سنين تقريبا وع السنة الجديدة هاي ترقيت وصرت مديرة للفرع الي انا فيه ،، ومن يوم ما استلمت هل ادارة ما شفت يوم احكي فيه ع مشاكل مع هل بنات وع غيرة وشغلات كتير ومسؤولية اكبر ،، صاحب المصلحة شخص جدا رائع وكتير منيح وعلاقتي فيه كتير قوية بسبب هل فترة الطويلة يلي قضيتها بمصلحته ف هادا الشي دايما مخليني اتحمل واجي ع حالي شوي


لانو عمرو ما قصّر بشي والله بيشهد ،، لكن صرلو شي شهرين تقريبا واقل كتير متغير من ناحية معاملته معي ،، دايما بيجي بسمعني حكي ع اخطاء بتكون صايرة بس مش انا سببها وهاي الاخطاء كترانة هاي الفترة والي شاكة فيه انو البنات بعبو براسه تحديدا البنت يلي بتساعدني لما ما اكون موجودة ،، حتى مبطل يجي ا الشغل متل زمان ولما ارن بدي شغلة ما برد علي وازا صار واجى يا دوب بحكي كلمتين ع بعض ولما احكي شي بصدني بالحكي ،، صراحة مش عارفة السبب واكتر من مرة واجهته وحكيتلو ازا مش متحمل وجودي بالشغل لدرجة انك ما بتيجي عادي بطلع ،، وكنت اسأله ازا زعلان مني باشي ويحكيلي لا مافي شي وانو لا ارجع اعيد هل كلام بس للاسف الوضع عم بزداد سوء لانو انا اكتر وحدة بتخاف ع مصلحة الشغل كأنها مصلحتي واكتر وعمري ما كزبت او لفيت ودرت وهو بيعرف هل حكي كتير منيح،، وانا بتخيل هديك البنت ازا كانت معبية براسه مع انو هي بتتمسكن لتتمكن وانكشفت حقيقتها مرة بالصدفة كانت فاتحة موبايلها بتحكي مع شب بتحبو بسألها ليش ما بتردي حكتلو كان عنا "الزفت" انا انصدمت لما قرأت بس ما كان قصدي والرجال ولا اروع من هيك ف وقتها ترددت احكي ولا لا ،، او اطلعها من الشغل بس هاي ارزاق وانا ما بقطع برزق حدا حتى لو كنت مديرة ،، لانو شغلي هو بيتي التاني ومصدر رزقي ،، ف مش عارفة شو الحل ولا شو اعمل لانو جد نفسيتي عم بتسير اسوء ومع شوية ظروف خاصة ف الواحد بحس حاله انو خلص بطل قادر يتحمل .

أضف إجابتك

صورة علم United States
السؤال التالي