صدمتي كبيرة بإبني الذي كنت أظنه ملاكاً

ابني عنده 15 سنة مؤدب وشاطر بمدرسته والكل بيشهد بتربيته واخلاقه بباه متوفي الله يرحمه وانا متجوزة وهما ساكنين مع بابا وماما واخوية وعياله بس مش كل الاسبوع احيانا بيجوا يقعدوا عندي وعلاقتي بيه جدا كويسة حتى جوزي بيحبه اوي وبيعطف عليه اكتر مني كمان المشكلة ابتدت النهاردة لما كنت قاعدة مع بنت اخويا اللي عمرها 7سنين كنت بتكلم معاها ازاي تحمي نفسها من التحرش وماتخافش من اي حد مهما هددها وكنت بقلها قصص من اختراعي عن اطفال خبروا مامتهم عن حد حاول يتحرش،فيهم وازاي مامتهم اتبسطت اوي وكانت فخورة بيهم انا بخاف على بنت اخويا وخصوصا ان علاقتها مع مامتها مش كويسة دايما بتشخط فيها وبتعصب عليها يعني مافيش حنية عليها ابدا وكنت حابة اوعيها واقربها من امها وان ماما لازم تكون صديقتها وتعرف كل حاجة بتحصل معاها لان مش لازم نخبي اسرار عن ماما خالص(طبعا كل ده بالاتفاق مع امهابعد عشر دقايق كانت الصدمة الكبيرة بالنسبالي مرات اخوي بتقلي تعالي شوفي البنت بتقول ايه فلما دخلت صدمتني وهيا بتقول اني ابني من فترة قريبةوهما بيلعبوا كرة قدم في الاوضة وكانوا لوحدهم قلها لو انا فزت تخليني المس اي مكان في جسمك انا عايزه وللاسف لمس المناطق الحساسة بجسمها وهيا لابسة وقللها لو انتي خبرتي حد انا حزعل منك ومش حشتريلك اي حاجة والبنت كانت فاكرة ان مايصحش نفشي الاسرار لاي حد وانا قلتلها انتي بطلة لانك خبرتي ماما وانو يمكن ماكنش قصده انا طبعا ماببررش لابني غلطته بس عشان القصة دي ماتزعجهاش او تأثر عليها بعدين و قلتلهاانها المفروض ماتخافش من حد ابدا ولازم تخبر ماما وتضرب اي حد بيحاول يلمسها بطريقة مش حلوة انا جسمي بيرجف من ساعة ماعرفت وجدا مصدومة لاني بحياتي مالاحظت اي تصرف وحش زي ده على اولادي والناس بتشهد بتربيتهم انا كلمته بعد ماروحت بيتنا عشان يلتزم بصلاته ويدعي ربنا يغفرله اي ذنب او تقصير عمله وماجبتش سيرة اي حاجة مش عارفة اعمل ايه اواجه ابني وانصحه ان اللي عمله غلط وان البنت خبرتني انا وامها ولا ايه انا خايفة ابني يستمر ويعمل كدة تاني واكيد الموضوع حيكبر اوي رجاء انصحوني انا راسي حيتفجر