صورة علم Saudi Arabia
من مجهول
منذ 3 سنوات 6 إجابات
2 0 0 2

بناتي لا ينامون الليل

السلام عليكم عطوني حل تعبت تعبت تعبت انا سبق وطرحت مشكلتي هنا يعني انا منفصله عن زوجي لأسباب ذكرتها انا عندي بنتين اربع سنوات وخمس سنوات الله يحفظهم مشكلتي معهم الان هي ان ليلهم نهار ونهارهم ليل يعني ينومون النهار ويقومون العشا وعليها تطور الموضوع الان كانو اذا جت الساعة ٨ الصباح ينامون الان ماينامون الا الظهر 😓 وش اسوي ،،،، اليوم والآن نامو الساعة ٢ الظهر والحين بقى وحده مو راضيه تنام على ايبادها ! بتقولون خذي الايباد منها اقول لكم مااقدر لانها بتبكي ولما تبكي امي الله يهديها تسمعها تبكي وتجي تدافع عنها وتحسسني اني ضاربتها طيب انا ابيها تنام ابيهم ينومون وامي مااتتحمل تشوفهم يبكون قبل كنت اذا جا الفجر أخذهم أدخلهم الغرفه وبكيفهم ينومون عند التلفزيون المهم في الأخير ينامون الان صارو يرفضون يجون عندي مع اني احاكيهم احيانا واجيهم باللين بس برضو مايبون مدري ليه صارو علي كذا صرت اعصب منهم لاني احس مايبوني ويقوم امي المقصد لو ماجيتهم بالقوه شوي ماراح يسمعون كلامي امس دخلتهم غصب ابيهم ينومون يعني خلاص الساعة ٨ وش تبون اكثر من كذا دخلتهم والصغيرة فحمت علي من الصياح مع اني معطيتهم حلاو علشان يسكتون ورفضت تبي تطلع تبي امي بس انا رفضت جت امي عصبت علي لين فتحت الباب وخذتهم مني !!! طيب امي كذا مافادتني بشي يعني الان راح يعتقدون ام الصباح راح يجيب نتيجه ! مارضيت ورحت بأخذ البنات من امي بس امي دفتني وطلعتني وحسستني اني مو امهم اني مرت ابوهم جا في خاطري هذولي بناتي وانا ادرى وش قاعده اسوي قعدت ابكي وقسم باالله مايكفي متحمله أشياء كثير وراضيه بقسمتي صارو الان بالغصب يجون عندي اذا ناديتهم ليه كذا طيب انا امهم وقلت لامي الحكي هذا بس تسكتني وكأنها تسلك لي مو معقوله بقعد كل يوم الى الظهر ماانومهم علشان مايصيحًون وتزعل امي !! غلط مو راضيه عن الشي هذا وش اسوي عطوني حل انا ابيهم ينامون في سرايرهم مابي احد يتدخل فيني مابي انا اخلي بناتي يعتقدون ام الصياح يجيب نتيجه طريقه امي مو عاجبتني انا ادري امي تحبّني وتتمنالي الخير بس اليومين هذول بسبه بناتي صار الوضع متوتر لاتقولون قوميهم لاتخلينهم يشبعون نوم هم متى نامو ماناموً آلت متاخر لما اقومهم يرفضون غير كذا حتى لو قامو مو شبعانين يجي الليل ماينامون يقعدون الى الصباح يقاومون ليه لان مالقو احد شديد عليهم اذا جيت بشد معهم شوي امي وقفتني وترفض لااغصبهم على شيء طيب الى متى بنقعد كذا ليلنا نهار ونهارنا ليل حتى امي ماارتاحت تكفون قولولي مجروحه مره ومتضايقه ربي يفرجها علي وعلى كل مسلم