شلون أشيل الخوف من قلب صغيرونتي هذه صارت عقدتنا بحياتنا مع بنتي اللي عمرها يا دوب أربع سنين ..بسم الله عليها صرختها مثل الرعد بالبيت و أول ما أسمع صرختها اللي تبتدي مثل صفارة الانذار أرمي كل شي بيدي و أروح لها ركض لأن هذه الصرخة أعرف منها انها شافت شي يمشي حوالينها كانت تخاف و تنفزع من القطوة و خلاص شليتها و وديتها بيت هلي مع انها جميلة و اليفة و كنت انا متعلقة فيها بس قلت ما علية بس تكبر شوي يروح الخوف. حاولت معاها اشجعها و أكلمها ومافي فايدةا لحين جا دور اي حشرة تشوفها ولا أي حيوان ..تفزعنا و تفزع روحها (زهيوي، بريصعي، وزغة، فار، فراشة ......) اي شي. و يوم أتأخر عليها شوية ألاقيها بايلة على نفسها أكرمكم الله و متسمرة بمكانها و هي ترجف من الخوف من نملة تمشي. والله العظيم أرهقتني صرت أنا أقوم من نومي مفزوعة حسبالي أسمع صوتها باذني تصيح ..يجيني خاطر اني أعيشها بخيمة شبك و أصك عليها.