استخدمت كل الوسائل مع صراخ ابنتي وعصبيتها

السلام عليكم ورحمة الله وبركاتهانا ام لبنتين الاولي سنتين و٧شهور والتانيه ٧شهور ... زوجي مسافر وانا اللي بربي البنات ممكن اكون عصبيه بس بقيت احاول اتحكم فيها واحيانا بتفلت مني واللي زودها بقي بنتي الكبيره عصبيه جدا بتقعد تغل عليا بتصرخ صراخ فظيع ع اي حاجه اعصابي مبقتش تتحمل مفيش اي طريقه نافعه معاها لا الحنيه والطبطبه ولا الشده واللين كل اللي حواليا مش بيحبوها ولا بيحبوا التعامل معاها وبتضرب بغشم فظيع بقيت طول الوقت بحس بوش وصويت وصفاره ف ودني من كتر صراخها علي اي شئ انا مش مهمله فيها بجبلها العاب تربويه وبخرجها وبلعب معاها ومن كتر ما بتصرخ الصغيره بقت بتصرخ وبقيت اكره اروح عند اي حد حتي والدتي من كتر ما بيتأفأفو من عمايلها من يومين كانت بتختقني ببشاعه وايديها واعصابها جامده علمت في رقبتي