طفلي عنيد ولا يأكل شيئاً، ساعدوني؟

متجوزة من حوالى 5 سنين عندى ولد واحد عنده دلوقت 3 سنين وشهرين هو ذكى جدا جدا ولماح وبيلقط الكلام من اللى حواليه كمان يعنى تلاقيه عارف كلامه كبير وصعب وعارف كمان يتقال امتى حتى لو هو مش عارف معناه وده مخلى كل اللى حواليه بيحبه علشان بيعرف يتكلم معاهم ويلاغيهم زى ماهما بيلاغوه كطفل يعنى المشكلة انه مش بيحب الاكل نهائي وبياكل بالعافية اللى يبقي على حياته فقط وبيحب المياه وانا عارفه انها كويسه بس نفسي ياكل المشكلة الكبيرة بقي انه عنيد جدا ومش بيسمع الكلام نهائيا لدرجة انى تعبت معاه جدا وباباه كمان مش بيستحمل يقعد معاه لوحده كتير علشان هو مش بيسمع الكلام برغم ان الولد متعلق جدا بينا احنا الاتنين بس هو بيحب الخروج تقريبا اكتر مننا احنا الاتنين وعاوز ينزل على طول وبنتخانق دايما وهو طالع البيت لانه مش بيسمع الكلام مهما خرجناه او فسحناه او نزلناه لدرجة انى بفكر اوديه مركز تصحيح سلوك بس باباه رافض وبيقولى بكره يكبر شوية ويسمع الكلام اعمل ايه ؟؟؟