كيف أتزوج بدون علم أهلي؟

 كيف أتزوج بدون علم أهلي؟صباح الخير ارجو من حضرتك ان تنشري من غير صوره او اسم مشكلتى انا بدمر من جوايا انا شاب عندى ٣٣ سنه من الصعيد وللاسف خلال دراستى وشغلى اتعرفت علي بنت وحصل ارتباط وزواج وقبل الارتباط كان فيه عدم ارتياح وموافقه للزواج من هذه الفتاه ولكن انا صممت علي الارتباط وفعلا تم الزواج

ولكن تغيرت بجميع المقايس وتم الانفصال والحمد لله اهلي كانو جامبي بس انا اللي كنت بضحى من مالي وحزنى المهم فضلت منفصل لمده ثلاث سنوات والان بدور علي عروسه كل ما اتقدم لحد يكون فيه توافق بينى وبين العروسه اواجه رفض من اهلي في كذا مره المهم عاوزينى اتزوج حد من اختيارهم هما وللاسف وصل الامر ان اى حد يسئل عليا يعرف انى كويس بس عيبي الوحيد ان اخويا الاصغر منى وامى مسيطرين عليا وده عرفته مش من شخص واحد لا من شخصين او ٣ مختلفين وكل ما اتقدم يكون الرفض ان انا مطلق وعندى بنت

ففي احى الايام صديق ليا حدثنى عن فتاه مطلقه ولديه بنت خمس سنوات المهم في بدايه المر لا اخفي عليكم كنت غير متحمس للتعارف او التقدم لها ولكن ربنا هدانى وطلبت التواصل معها واتعرفت عليها ومن خلال التعارف وجد انه قريبه ليا من بعيد وانا اعرف كل عائلتها وابنا عمها واهلها واهل امها علي علاقه طيبه من زمان من ايام جدي فرحت جدا وهيا مؤهل عالي ومستوى كويس نفس مستوانا وفعرضت المر قبل ما اتقدم علي امى ان فيه عروسه وموصفتها رفضت ان اتزوجها علشان لديها بنت واخويا من غير ما يعرف رفض رفض قاطع مع انى لم اشاركه في اي قراراته المهم البنت دى انا شفتها في منزل اهلها رؤيه شرعيه واعجبت بها وحصل توافق لم يحدث لها من قبل ووافقت وعندما عرضت الامر علي اهلي اخذت راي عمى الاكبر وافق ووقت ما عرضه الامر علي اخوى وامى تانى كان الرفض رفض تام لا اعرف سببه ايه عدم الثقه في اختيارى ولا فعلا زىوما بيقولو مسيطرين عليا وانا لا احب انا احد يسيطر عليا  حصل انهم بيسئلو عليا فخلو ابن عمها ده كان ساكن معايا وعرفي كويس وشكر فيا اوى ولكن بعدها بلغهم ان اهلي مش موفقين وان اخويا هو المسيطير عليا وكل حاجه بامره هو وانا لا حولي لي ولا قوه وهما خافو علي بنتهم منى علشان سبب الطلاق من زوجها هو تدخل ابوه في كل شي وانا لا انكر انى معجب بشخصية البنت وثقافتها وتعملها

اسف علي الاطاله ممكن اعرف رئي حضرتكم بدون تجريح فيا او في اهلي هل اتقدم ليه واتزوجها وزعل مع اهلي ولا اسمع كلامهم واظهر انى الشخص الذي هو مسيطر عليه من قبل اهله وهل هما علي حق ام انا ارجو الرد من الامهات والاباء اعتبرونى ابنكم انا بحب البنت دى وهيا كمان تتمنى انه ترتبط بيا ارجوكم ارجوكم عرفونى ايه الصح خايف اتزوجها واخسر اهلي وخايف ابعد عنها اخسر بنت طيبه وكويس