المشاكل مع زوجي وأهله جعلتني أتغير للأسوء

add_commentأضف إجابتك

thumb_downلم يعجبني0

المشاكل مع زوجي وأهله جعلتني أتغير للأسوء

المشاكل مع زوجي وأهله جعلتني أتغير للأسوء ، اعاني من مشكلة مساء الخير عاوزة افضفض معاكوا عن حاجات كتير تعبتني نفسيا ومش عارفة اتخطاها انا اتجوزت عندي 20 سنة كان بابا عنده 71 سنة ووالدتي متوفية وانا واختي الاصغر لوحدنا للأسف اتجوزنا اخين مالهومش اي مستوي اجتماعي نهاااااائي بالمعني الحرفي ( معرفش بابا وافق ازاي ) واحنا مالناش خبرة نهائي في الدنيا انا اتجوزت 20 واختي اتجوزت 19 احنا من عيلة كبيرة وبيعتبروا من الاعيان في الارياف بس احنا كنا عايشين فيالقاهرة بابا اتوفي بعد سنة من جوازنا بعد وفاة بابا شفنا الوش التاني من العائلة الكريمة ضرب شتيمة اهانات الفاظ عمرنا ما سمعناها فلوسنا راحت ليهم شققنا اتاخدت وكل ما تتصورزا منهم واللي ما يجيش في بالكوا عملوه اجوازنا مع والدتهم واخواتهم عيلتنا ناس محترمين جدا وليهم وضعهم اتبروا مننا لأنهم مقدروش يتعاملوا معاهم ومع شغل البلطجة ملناش خال ولا عم بهدلوا اختي واتبلوا عليها بقصص صعبة وفي النهاية اتطلقت خدوا منها بنتها وهددوها وللأسف معرفناش نتصرف معاهم حماتي كانت ساكنة قريب مني بكام شارع اذتني جدا اتكلمت عليا بأوحش الكلام وشوهت سمعتي حتي عند البياعين والناس الغريبة وقالت فيا كلام ميتقالش وخلت ولادها يبهدلوني ويشتموني وكانت بتعتمد علي اني وحيدة وماليش حد الله يرحم الجميع واهانتني كتير جدا وظلمتني سنين طويلة وجوزي سلبي الي اقصي حد وبيعوم علي عومها وزي ما اخواته يقولوا ييجي يبهدلني الفرق بيني وبين اختي اني يمكن اقوي منها وقررت اني مش هسمح يكرروا معايا نفس القصة وكنت لازم مسكتش فابتديت امد ايدي عليه ومسكتلوش يشتمني اشتمه وهددته اني انا اللي هاخد حقي وحق اختي وهبهدله في المحاكم وهلبسه مصايب بعترفلكوا انه اتلم كتير عن الاول حماتي بعد ما تعبتني نفسيا فوق الوصف لمدة 17 سنة جت عندي تبات كام يوم وشلتها فوق راسي عشان متعودتش اعامل حد وحش في بيتي مهما كان ومن كتر ما كانت مرتاحة قعدت شهر معايا وانا مكنتش متضايقة بالعكس قلت اللي هعمله هيقعدلي في ولادي وحسابها عند ربنا وفي النهاية لقيتها اعتذرتلي انها ظلمتني وانها تعبتني كتييير وانا وقتها صعبت عليا انها كانت بتعتذرلي وهي مكسورة النفس ومرضيتش افتح كلام في اللي فات وقولتلها لا مش زعلانة معلش محصلش حاجة و مشيت من عندي وبعدها بشهر اتوفت لكن من وقت للتاني بفتكر اللي عملته فيا واشتم فيها مع انها احيانا بتوحشني لأن والدتي متوفية من وانا صغيرة وكنت اتمني الاقيها ام تعوضني انا حزينة اني مقدرتش اسامحها لغاية دلوقتي هي اتوفت من 6 سنين تقريبا وكمان زعلانة انها تعبتني سنين وطويلة واعتذرتلي مدة دقايق معوضونيش عن كل التعب اللي شفته منها اخوات جوزي تعبوني كتير ومسكتوش غير لما اتخانقت مع جوزي خناقة كبيرة وبالايد وزعقت معاهم واتخانقت خناقة كبيرة جدا لدرجة اني رحت ارفع قضية طلاق وبعدها بعدوا واتلموا والموضوع انتهي حاليا محدش منهم نشكر ربنا موجود عشان يتعبني بعد 23 سنة لكن انا لأسباب وتفاصيل اكتر زي مثلا الانانية والبخل والكدب المفرط والشتايم بألفاظ عمري ما سمعتها في بيتنا وانه عديم الشخصية معندوش نخوة وحاجات اكتر بكتييير كرهت جوزي مش بطيق نفسه ليل نهار بقيت بكلمه كلام زي السم للأسف اتغيرت للأسوأ كل ده اثر علي اولادي وابتدوا يكرهوني ويكرهوه انا حزينة مش عارفة اتخطي الالم النفسي نهائي اعمل ايه ؟

add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • أخصائية علم النفس والتثقيف الصحي ميساء النحلاوي
    أخصائية علم النفس والتثقيف الصحي ميساء النحلاوي verified_userشكرا لك سيدتي على ثقتك بموقع حلوها . لقد تحملت زوجك وعائلته طويلا وقضيت بسنين صعبه ظُلمت وأهنت خلالها وكتمت في نفسك فتره وتمردت فتره أخرى ولكنك تغلبت على الجميع وتحررت من الظلم الآن فلا تضيعي عمرك في الحقد والكراهيه . سامحي والدة زوجك التي ذهبت لرحمه الله ، فقد اعترفت لك بندمها على إساءتها لك فاجترار الماضي والحقد يؤذيانك و يمنعاك من العيش بسلام . سامحي أهل زوجك ، سامحي زوجك ، والد أطفالك ، وتسامحي مع نفسك ، اتركي البغض ورغبه الانتقام فما فات قد فات ، غيري حياتك نحو الافضل واجني ثمار صبرك وسكوتك الآن ولا تخسري أولادك الذين ضحيت بالكثير من أجلهم . في الحياه الزوجيه يمر الشخص بالعديد من المواقف التي لا يكون فيها توافق بينه وبين شريكه ، ولكن لا بد للتسامح والتغاضي عن الاخطاء الماضيه، خاصه وأنك لم تسكت وواجهت زوجك في أوقات كثيره. الحل الافضل الآن هو أن تعفي عن زوجك لتكسبي مستقبلك وتنسي الماضي فكلما فكرت في مشاكل الماضي ، كلما زادت كراهيتك لزوجك. انقذي نفسك من هذه المشاعر السلبيه والمؤذيه وابدئي حياه جديده وسعيده مع زوجك وأولادك لتعوضي ألم الماضي .
  • صورة علم Egypt
    صورة علم Egypt
    مجهول

    روحي الاستشاري نفسي

  • صورة علم Saudi Arabia
    صورة علم Saudi Arabia
    مجهول

    لا يصلح العطار ما أفسده الدهر

  • صورة علم
    صورة علم
    مجهول

    الله يعينك كان المفروض من البداية انتي واختك تنفصلوا وتروحوا تعيشوا في بيت اهلكم لكن ظروفكم حكمت عموما حاولي ان تتغيري للافصل من اجل اولادك احتويهم وخليهم يحبونك ويتقربون الك والحساب ع الله الي ظلمك اكيد الظلم مر جدا لايعرف طعمه الا من ذاقه

  • صورة علم
    صورة علم
    مجهول

    كلنا رجال ونساء مرينا بضروفك لان الزواج المبكر قبل النضج يبقي ناقص الشخصيه لان الاهل دائما يبقو مصيطرين على الابناء منهم من يتفهم الحياة ويساير التيار ومنهم من يقف ضد التيار 

    لكن كلو بمر وتبقي الحريه بعد وقت بعيد لحتى البيت يأخذ استقرارة لذلك عليكي ان تنتبهي الى اطفالك وتنسي الماضي بما حدث فيه والله خير وابقى

  • صورة علم
    صورة علم
    مجهول

    أنت في البداية ليس لك ظهر أي سند من أب أو أخوة أو أقارب هذا الذي شجع زوجك و أهل زوجك على التمادي عليك و أنت لم تقصري في الرد وهذا اعتراف منك ، الآن أنت في حال حرب وهذه الحرب مستمرة وفي الواقع لا يمكن اصلاح ما أفسده الدهر ، الآن حاولي أن تكوني أقرب مايكون الى أولادك لآنهم هم السند الحقيقي واذا خسرتي أولادك خسرتي كل شيئ وأن تستمري في الحرب مع الكل ستخسرين كل شيئ.

  • صورة علم
    صورة علم
    مجهول

    عندما تركب القطار الخطأ يجب أن تنزل على أول محطة وللأسف أنت خليتي المشاكل تراكمت حتى صعب على المتلقي إبداء رأيه في حجم مشاكل كبير وكبير جدا..... أخيرا ربي يصبرك أختي ويفرج همك.

  • صورة علم
    صورة علم
    مجهول

    اعلمي ان الانبياء والرسل شافوا الويل والاذى من الناس .انت لست افضل منهم سلمي امرك لله و عيشي حاضرك بسعادة واتكلي على الله فعقابه لمن ظلمك قوي وحسناته لك حين تسامحين وتكظمين الغيظ اقوى.

  • صورة علم Morocco
    صورة علم Morocco
    مجهول
    لو عملت متل اختك واطلقتي كان احسنلك.لكنك اصريتي ان تعيشي في ذلك الجو المسموم الى ان تطبعتي بتلك الخصال القبيحة وجعلت اولادك ينفرون منك
  • صورة علم Egypt
    صورة علم Egypt
    مجهول
    انت دلوقت قويه و هو عرف انك مش هتسكتي عن حقك يبقى نقطه و من اول السطر نفتح صفحه جديدة علشان الاولاد ع الاحترام اتكلمي معه و مع أولادك علشان يبقوا عارفين انك اتحملتي كتير علشانهم و حاولي تكسبيهم لو اتعدل يبقى خير. لو لا يبقى تنفصلوا بإحترام لان كده الاولاد مش هيبقوا اسوياء
صورة علم United States
أضف إجابتك على السؤال هنا