ما سبب كره حبيبي لي بعد الزواج؟

Question

مرحبا انا بنت عمري عشرين سنة تزوجت من خمس أشهر شخص عن حب ضل خمس سنين وانا وياه من مذاهب مختلفة مما أدى لعذاب كتير حتى حصلنا على بعض من يوم تزوجت لهلق وزوجي عم يعاملني بقسوة وبجفا قلعني مرة من البيت لسبب تافه هددني بالطلاق واي خلاف بيني وبينو عم يستمر ماعم نحكي مع بعض شغلو مابيسمحلو شوفو اكتر من يومين بالأسبوع انا عم حس انو في بحياتو انثى ياجماعة تغير عليي ١٨٠ درجة وصابر عصبي كتير واي سبب بيهدد بالطلاق كبريائي ماعم يسمحلي ضل معو بس ماالي حدا تخليت عن ناس كتير كرمالو بس قررت التجاهل وقررت حاول اكرهو بس صعبان عليي عم اشتقلو وفكر فيه وهو حتى ولا سائل عني اعطوني دعم رجاءآ انصحوني انا منهارة مع العلم اني انثى جميلة جدا وشخصية مرحة بس ليش هيك ماعم افهم رجاءا ساعدوني

أخصائية علم النفس والتثقيف الصحي ميساء النحلاوي · Accepted Answer

تجاهله لن يحل المشكلة بل قد يدخلكما في دائرة من العناد والجفاء لا نهاية لها صارحيه واساليه عن السبب افتحي له قلبك وابحثي عن الأسباب الحقيقية بالتفاهم والهدوء والكلمة الطيبة ستحلان أي مشكلة ان شاء الله

من مجهول · Answer

أختي الكريمة يبدو أنك من سوريا وأنا رح أعطيك كلمة السر لقلب الشب السوري لأن عالأغلب زوجك سوري وبما أني شب سوري فبعرف كيف بيفكر الشب السوري تمام أول شي خليني قلك شي كتير مهم وهو أنو كتير طبيعي يصير بالحياة جفاء أو بعد أو اضطراب من نوع ما بالعلاقة الزوجية حتى السما بيصير فيا اضطراب واللي شفناه مبارح بالعاصفة الرعدية بس صدقيني هالاضطراب هوة لإعادة التوازن لا تردي عأي حدا بيقلك اطلقي واتركي زوجك الشب السوري بيبلش يكره البنت من وقت بتلمحلو أنو هية مو سائلة عنو ووقت بيكرها رح يتخلص منا وما رح تفرق معو إذا انتي متزوجة فأنتي مجرد زواجك يعتبر إنجاز ببلدنا لأن البنات مو ملاقيين شباب وحتى إذا في شباب فهدول الشباب مو قدرانين يفتحوا بيوت الشي اللي مر ببلدنا المآسي كلها كفيلة بأنو تفقدنا صوابنا لحتى ترتاحي لازم تعتبري العلاقة الزوجية متل شركة متل جسد متل شي معين وبيصير فيو بعض المشاكل بس صدقيني بعد كل مشكلة نحنا منتعلم أكتر و منتكي ف أكتر حتى طبيعي يصير من أي رجل نزوات بس صدقيني رح يكون هاد الشي عابر ورح تبقي انتي الأساس أنا بدي منك شي تطبقيه ورح تلاقي نتيجتو وتذكري كلامي كتير منيح أول شي الغي فكرة أنو بدك تتطلقي منو حتى الغي فكرة أنو في وحدة بحياتو وبرأيي كمان إذا عنجد في وحدة قولي أنا قوية ورح نسيه ياها الشب السوري بيعشق البنت الواثقة من حالا اللي بتحسسو أنو هية عندا كلشي وهية أحسن من كل البنات الشب السوري بيحب البنت اللي بتسايرو وبتحاول تضحكو وأكتر شي بيكرهو هو البنت اللي بتنكد عليه وبتوقف بوجهو قولي هاد جوزي هاد حبيبي هاد رح يصير أبو ولادي هاد الشب بدي أعملو أحسن الأكل وبدي حاكيه أحلى الكلام في وحدة بحياتو تجاهليها تماما كوني قوية ولا تنسحبي نافسيها لهي الوحدة وورجيه لزوجك أنك أحسن الكل وبرمجيلو عقلو وعطول قوليلو الله يخليلي ياك ما حدا بيحبني أدك وما حدا بيدير بالو عليي أدك انت دنيتي هوة عقلو تلقائيا مع هالكلمات هدول ومتلن رح يحس أنو انتي عنجد تحت رعايتو ورح يحس بكآبة إذا ما اهتم فيكي بدي منك توصلي لمرحلة من القوة الأنثوية تقولي لزوجك روح شر ق وغر ب أد ما بد ك وبتحداك تلاقي أحسن مني بشطارتي وأخلاقي وإخلاصي إلك الضعف هو أنو ننسحب بكل بساطة تحت اسم كرامتي وكبريائي أبدا يا أختي بالعكس الكرامة أنك تبقي وتحاولي مرة وتنتين وتلاتة آخر شي بدي قلك ياه أنو الشب السوري بيكره يحس بالذنب والمكان اللي بيحسسو بالذنب رح يتركو ويجافيه لهيك عطول امدحيه وقوليلو الله يخليلي ياك تاج فوق راسي لما بيقلك شي قوليلو حاضر واهتمي كتير منيح بحالك وفيه من أكل وشرب ونضافة وترتيب وكلشي رح تحسي بالفرق بوعدك الله يوفقكن وسيرة الطلاق لا تجيبيها ع لسانك

من مجهول · Answer

كرامتك فوق الحب وكل شي اعتقد زوجك لا يحبك ولا يحترمك وانتي ايضا احفظي نفسك قبل الحمل والانجاب واطلقي منه لانه عمره ما يحبك وهيزيد كره الك

من مجهول · Answer

اشتري كرامتك وانفدي بجلد منه قبل الحمل والانجاب تطلقي منه صدقيني حياتك راح تكون كلها هم ونكد انتي عروس حاليا فما بالك بعد 10 سنين كيف يتعامل معك لا تهتمي فيه ولا تفكري فيه اطلقي منه

من مجهول · Answer

لو بحبك بعمل كل شيء كرمالك زوجك للأسف لربما كان يحبك كذب فقط ليثبت انه قادر يتزوج من بنت غير مذهبه وبعد اثباته لعائلته يريد الانتقام منك

من مجهول · Answer

راجعي أسلوب حياتكم سوا في البيت الأوقات المشتركة بينكم كيف تقضوها هل نقاش وجدال عقيم ولا كلام تفاهم وحب والذي منه الأجواء العامة لها دور في تحديد شكل العلاقة بينكم

من مجهول · Answer

يعني إنت كل تفكيرك إنك خايفة يكون في أنثى في بالو مش هامك نفسك ولا كرامتك ولا آدميتك معاه لما يهددك بالطلاق قليلي أنا رهن إشارتك ما عاد بدك اياني طلقني ف حينها يا بيطلقك وبترتاحي منه وبتاخدي حقوقك الشرعية وتروحي يا إما رح ينصدك ويحس على دمه وما عاد يكرر هاي الجملة ويغير من معاملته معاك

ما سبب كره حبيبي لي بعد الزواج؟

شارك في الاجابة على السؤال

شارك في الاجابة على السؤال

احدث الوصفات

طريقة عمل مهلبية الجيلي

طريقة عمل كاسات تشيز كيك

طريقة عمل كاسات اللوتس

طريقة عمل عصير فيمتو

طريقة عمل الموهيتو الصيفي

طريقة عمل عصير المالديف الأزرق

مقالات ذات صلة

"كل كلامه عن الجنس" كيف أضع حد لحديث خطيبي عن الجنس؟

سبب الضحك بدون سبب في علم النفس وكيفية علاجه

كيف أتخلص من كره الذات وأحب شخصيتي؟

كيف أجعل حبيبي يرجع لي؟ كيف أجعله يندم ويعود؟

كيف أجعل حبيبي يصالحني ويعتذر مني

كيف أختبر مشاعر حبيبي وأتحقق أنه يحبني بصدق!

فيديوهات ذات صلة

أسئلة ذات صلة

مقالات ذات صلة

احدث مقالات قضايا اسرية

احدث الوصفات

طريقة عمل حلى كرات الشعيرية السهل والسريع

طريقة عمل كيكة الجيلي الباردة

طريقة عمل حلويات سهلة بدون فرن وبثلاث مكونات

طريقة عمل آيس كريم بدون سكر

احدث اسئلة قضايا اسرية

اسئلة من بلدك

احجز استشارة اونلاين

شارك في اخر الاختبارات

اختبار الكذب المرضي: كيفية معرفة مريض الكذب القهري!

اختبار الشخصية الباردة: هل أنت شخص بارد فعلاً!