زوجي طلقني بالثلاثة بسبب غيرته الزائدة وتعامله القاسي معي، فما الحل؟

انا ام لولدين فى اعدادى وابتداءى زوجى كان متطوع ف الجيش وكنا داءما ف مشاكل وخلافات حتى فاجازاته الشهرية كان غيور بشكل غير مبرر كان حتى مش مسموح لى ان اجيب اسم حد راجل غيره كان عطول مش عاوزنى احضر افراح وضرب وبهدلة ع كل شىء طلقنى مرة عشان وجود طفلين ولاد الجيران عندى مش عاوزنى اكلم حد ولا يكون لى اصحاب اللبس عاوز البس اسود وبس كمان مش عجبه مع انى بلبس لبس محترم عبايات ومع ذلك دايما محسسنى انى لابسة لبس خليع المهم تحملت الاجازات والكام يوم ال بيجيهم كل شهر بحلوهم ومرهم وكان دايما يتركنى ويجلس عند اهله حتى فالاجازات لحد ما طلع من الشغل معاش مبكر والدنيا اسودت فى وشى بهدلة وضرب وبردوا دايما متجنبنى كانت مشاكلى عشان مبيهتمش بيا ولا بيحن عليا لحد ما عمل عملية ووقفت جنبه واول ما جات فلوس المكافاة سابنى ومشى وقعد 20 يوم برة وجه يعطى اوامر خروج مفيش نت مفيش سوق مفيش اصحاب مفيش وقولت ماشى بس ارتضيت بصعوبة حسيت انى ف سجن المهم بدات المشاكل ع المصاريف من جنب اخر مش عاوز يصرف وملكيش دعوة رايح فين ولا قاعد فين خليكى فى حالك بقي ت اشتكى من هجره ليا بقيت اطول لسانى عليه عشان يحس بيا وهو مفيش فايدة لحد ما زهقت وسكت وبقيت اطبطب وادادى قولت يمكن لحد ما اتلكك ع طلب لابنى كان عاوز شاحن وطلقنى ودى كانت اخر طلقة الثالثة والبيت ادمر فى ناس بيقولوا لى روحوا دار افتاء ويمكن يكون ف حل وخايفة ارجع ومكملش يومين والبيت يخرب تانى انا تعبت من التفكير ساعدونى ارجوكم