لا أعرف كيف أتعامل مع ابني المراهق

لا أعرف كيف أتعامل مع ابني المراهق أنا أم لولد وبنت الولد 15 سنه يعني في سن المراهقة ومش عارفه أتعامل معاه إطلاقا ودايما مشاكل بيني وبينه هو في الحقيقة ولد كل الناس بتشهد باخلاقه بس من سنه تقريباً بدأ يعرف بنات ويتكلم علي النت والتليفون كتير وهو عمره ما كان كده لكن بحكم السكن من سنه قرب من ابن عمه وهو في نفس سنه بس عمرهم ما كانو أصدقاء لأنهم ولا في نفس التربيه ولا نفس المستوي الدراسي

باختصار هو اللي عرفه علي بنات والمشكله انه بقي مش بيذاكر ولا بيهتم زي قبل كده وانا من كتر الضغط النفسى اللي انا فيه بسببه بقيت باتعصب من أقل حاجه ومش عارفه اعمل معاه ايه وعلي فكره أنا غصب عني باتعمد اشوف موبايله وهو نايم وباتنرفز اكتر والمشكله الأكبر أن الولد شكله أكبر من سنه ودي حاجه كمان مضيقاه اكتر وثقته في نفسه بقت مهزوزه يعني بيخبط في تصرفاته ويعمل أي حاجه وخلاص