تركت أهلي وعائلتي لأتزوجه لكنه تركني بعد أسبوع واحد من زواجنا

انا في مشكله وعارفه اني كتيرررر غلطانه بس انا دلوقتي مش عارفه اعمل اي بدايه مشكلتي اني اتعرفت علي شخص من علي طريق الفيس وصلت علاقتنا للزواج وللعلم هوه مش مصري اتجوزنا دلوقتي بقالنا سنه كنت فاكره ان اجراءت الزواج سهله اننا نوثقه لانه مكنش ينفع نكتب رسمي بسبب فرق السن بيني وبينه لانه كان 65س وانا يدوب 22 فاتجوزنا عرفي وكنا ماشيين في اجراءت التوثيق لقيناها معقده جدا بس قولنا هنكمل وربنا معانا المهم كل ده وانا متجوزاه كنت في بيت جدي لان بابا وماما منفصلين وكل واحد عايش حياته فاتفقنا انه يجبلي شقه واعيش فيها ويكون ده بيتنا وده البي حصل ويدوب اخدتها من شهر وهوه جيه اجازه من اسبوع ونص المفروض كان هيقعد شهر عشان نفرش الشقه ونكمل اجراءت التوثيق حصلت ظروف ومراته الاولي حد قالها انه متجوز في القاهره وبنته تعبت فاضطر يقطع اجازته ويمشي بعد اسبوع واحد من وجوده معايا دلوقتي قبل مايمشي اكتشفت اني حامل وهوه عرف بكده قولتله لازم نخلص اجراءت التوثيق في اقرب وقت وانا سبت بيت اهلي وسبت دنيتي كلها عشانه يعني مبقاش ليا غيره المهم وافق وقالي حاضر هخلص الاوراق بعد ماسافر اليوم اللي سافر فيه يدوب بعتلي رساله قالي انا وصلت ومن وقتها بقاله يومين معرفش عنه اي حاجه كل طرق التواصل اللي بينا مقفوله اتصلت بيه كل اللي بعتهولي انه مشغول وانا لوحدي ومش عارفه اتصرف ازاي بقيت ولا اهل ولا زوج انا قسما بالله عارفه ان غلط وندمانه اني عملت كده بس انا دلوقتي اعمل اي مش عارفه ولا مني متجوزه ولا مطلقه وهوه انا مش في دماغه خالص بالله عليكوا شوفولي حل انا معايا قسيمه الزواج العرفي اللي ماضي عليها ومعايا اكتر من اثبات ان هوه زوجي بس اتصرف ازاي انا مش عارفه