فشل حبيبي بالأختبار والآن أنا في حيرة

تعرفت على شخص عن طريق الفيس وحبينا بعض عمري 25 وعمره 29 انا طالبة جامعية وهو طبيب ،، حبيت اتاكد انه فعلا يحبني ولا لا ،،سويت له اختبار من غير مايعرف كلمته من حساب ثاني على اساس اني بنت ثانية وتجاوب معي وحب يتعرف علي وطلب كمان صورتي وهو مايعرف انه انا اللي بحكي معاه انقهرت منه كتييير وبعدين سالته في مرة حبيت حد بحياتك؟ قال انه حب مرة وحدة بس بحياته كانت بنت روسية وانا بعرف اصلن يعني هو قد مرة حكالي عنها من قبل انها كانت حبيبته وتركو بعض،، المهم قلت له بس حبيت هالبنت ماحبيت بنت من بعدها؟ انصدمت لمن قال لا ماحبيت الا هاي البنت ،، توقعت انه يحكي عني بس ماحكى عني ابداا وقال ماحبيت حد بحياتي غير هالبنت الروسية ،، تضايقت كتير وحسيت انه كذب علي انه بيحبني لانه لو كان بيحبني فعلا كان رح يقول ،، شو رايكم انتو هل احساسي بمحله وانه احتمال مابيحبني ولا كيف لانو دايما بيقولي احبك وبشتاق لك وبيحكيلي كلام حلو وقلي كمان بدو يتزوجني وشفنا بعض بس مابعرف ليش ماحكى عني ابداا وكأني ولا شي بحياته