كيف اتخلص من ألم تخلي حبيبي عني

السلام عليكم كيف اتخلص من ألم تخلي حبيبي عني أنا بنت مريت بتجربة عاطفية سببتلي ألم نفسي كبير الشخص اللي كنت نحبه ونثق فيه خذلني تركني بدون سبب وبعدها صار يضايقني ويطاردني بإيميلات وهمية بأسماء بنات كأنه يبي يقهرني ويأذيني أكثر سكرت كل شيء طلبات الصداقة الرسائل وحتى الإيميل خليته برايفت بس رغم هذا نحس روحي تعبانة من الداخل

مخنوقة ومش قادرة نرتاح اللي يزيد ألمي إن عيلتي ما يتفهموش العلاج النفسي يعتبرونه عيب ومش ممكن يرضوا نروح لطبيب نفسي مرات نوصل نكره الحياة ونفكر في الموت بس نخاف من ربي ونخاف نكون نضعف أرجوكم دلوني شنو نقدر ندير كيف نحمي نفسي من التفكير الأسود نبي نرجع نرتاح ونعيش بسلام حتى لو من غيره بس مش قادرة نطلع من وجعي