كيف أتصرف معها بعد أن اعترفت لي بالحقيقة؟

السلام عليكم أنا شب تعرفت ع بنت بتشتغل معي من فترة ، وعجبتني ، ماشاء الله عليها أخلاق وثقافة وجمال ، يعني ما بتتعوّض ، حاولت أتقرب منها وأعرفها أكتر عشان اقدر أطلب إيدها ، بس كانت بكل مرة تصدني ، وأبداً ما تتقبل مني أي تودد إلها ، شكيت إنو في حدا بحياتها عشان هيك ، وبمرة عزمتها ع فنجان قهوة وبعد أكتر من محاولة وافقت ، وبس طلعنا ، وبدون مقدمات حكيتلها إني بحبها ، توقعت أكتر من ردة فعل ، لكن البنت انهارت وصارت تبكي بطريقة هستيرية ، وبعدين فهمت منها إنها كانت على علاقة لمدة 6 سنين ، وبالآخر تركها لإنو ما بوثق فيها ، وحكتلي الحقيقة لإنها خايفة ازا تزوجتها تكون خاينة إلي وظالميتني ، وكمان إنها مش قادرة توثق بحدا وخايفة من إنها تحب مرة تانيةومن يومها ما شفتها ، شو رأيكم بتصرفها وإنها صارحتني ، وكيف المفروض أتصرف هلأ؟