انا وحيده ماعندي صديقات رغم أني اجتماعية

أنا وحيده م عندي صديقات نفسي يكون لي صديقات اتكلم معاهم يسألون عني اسال عليهم يزوروني  ازوررهم تعبت وربي تعبت

حتي انا زيك ماعندي صديقات . حتي وقت احاول اتعرف ماحد يعبرني

أنا نفس حالتگ حالياً وعمري 33 سنه صرت اكره اجازة نهايه الاسبوع لاني ما عندي صديقات اطلع معاهم ولا احد يجيني احب دوامي لانه يواسي وحدتي تعبانه نفسياً و حرفياً من هالموضوع والله العظم 

صاحبي نفسك واعرفي انو انتِ الصدوق لنفسك فعنجد لا تهتمي اهم شي انك تكسبي نفسك مو الناس

فيه اسباب كثيره في ناس يقولون عليك كلام او يكرهونك بدون سبب فيه ترا ناس كذا واعادي انا ماعندي صديقات وعادي مابقالك الا شوي وتخلصين خلاص انتي في الجامعه

حتى انابنات ابي اقولكم شي عادي ؟ 

انا مثلك بالضبط لدرجه اني ابحث بقوقل عن السبب خلينا نتعارف يمكن نصير صديقات

انا زيك ي عمري ماعندي لا صديقات ولا احد لكن عادي بس بعض الأحيان ازعل ليش ما عندي صديقات وقت تخرجي محد يفرح لي ولااحد يعبرني ولا شي اهخخ قهر وربي

حبيبتي اول شي تسوينه تحبين نفسك تهتمين فيها بثقافتك بنجاحك بشكلك بعدها ما راح يهمك الناس حبوك والا لا وتتلقينهم تلقائي هم اللي يجونك ولا راح يهمك جو ولا راحوا

وحاولت باني اكون صداقات واتكلم لكني كنت اشوف البنات يكلمون الجدد ولا يكلموني هي ماهي مشكله بس ماعرف ليش محد يبيني او محد يبي يكون معي صداقه

انا ماعندي صديقات كلما احاول اتعرف يتهربون اقولهم تعالو. نسولف وكذا ومالقهم يشوفوني اشوفهم ولا يكلموني واحس غير مرغوب فيني 

ليش الكل الي احبهم يستغلوني ماعني اسولف واضحك

يابنات اولللل شي انكم تصيرون عندكم ثقه في نفس اما في شكل او شخصيتك او او او! انا طوووول عمري ماكان عندي صديقات وتعرضت للتنمر شديد من الدفعه كامله بعد مو بس صفي لكن تقوت شخصيتي و ما اخذت المواقف الي صارت لي يهزني او يكسرني. وبالعكس ترا الجامعه هذا توها بدايه حياتك. تقدرين تكونين صداقات اما عن طريق التطوع زي في الجامعه او تدخلون نوادي في جامعتكم. ترا في طرق كثيره تقدري ان تكونين صاحبات والله صدقوني يا بنات لا يضايقكم هذا الشي ترا كثييير بنات عندهم نفس المشكله! واهمممم شي ان مو اي صديقه تثقين فيها بالعكس دوري وناستك وبس. مو تشكين و تبثين كل مشاعرك لاي احد صدقوني في هذي لما اقولك! انشاءالله افدتكم 3>

يا الله فيه احد زييي انا من ايام المدرسه وانا وحيده صح كانو معاي صديقات واتفسح معاهم وامشي معاهم بس كنت اتمنى بس متى اخلص من المدرسه عشان اروح الجامعه واتعرف ع بنات بس للاسف ولا يوم واحد سولفت فيه مع بنت وكنت كل وقتي لحالي ما ادري ليه كنت ما احب اختك فيهم احسهم بيقولون اني عليه وبدويه وكذا اتذكر وحده اول اسبوع لي ب الجامعه قالت تعالي نشرب قهوه ورفضت خفت منها ولي ذا اليوم زعلانه اني م تعرفت عليها  

صح تبين صديقة وانا بعد ابي صديقة وافية معي تحبيني 

اي جامعه انتي؟

 انا زيك عمري ماعندي صديقه ولا اخت ولا ام و اخلق اصدقاء من خيالي و أكلمهم و مرتاحه كدا من سنين و انا اسوي كدا جرب طريقتي بترتاحي

حبيبتي من الاخطاء التي يقع فيها الانسان هو له عندما يختار صديق انه يعتقد ان هذا الصديق الذي يختاره اليوم هو صديق العمر باكمله وبالتالي هذا لا يحدث كثيرا يجب ان نضع في اعتبارنا امور معينه لا يمكن الاستهانة بها وانا يمكن ان نمر بظروف او احداث صغيره او بسيطه يمكن ان نفترق وتنتهي الصداقه ولكن ليس معنى ذلك ان نفقد الامل ولكن علينا ان اجرب مره اخرى ونحاول ان نبحث عن صديق وهكذا تستمر الحياه لا تفقدي الامل ولا تياسي فانه يمكن ان يتم تكوين الصداقات في اي عمر في اي وقت

لقد اخبرنا رسول الله صلى الله عليه وسلم ان الكلمه الطيبه صدقه وان التبسم فى وجه اخيك صدقه اين دائما حبيبتي ان يكون كلامك طيبا حتى تعبرى عن المحبه الاخرين ومن اجل الوصول الى صداقه مع بعض الاشخاص ودائما يكون كلامك طيبا ودودا يبتعد تماما عن الانتقاد و عن الكره  او العنف بذلك تستطيع ان تجدى محبة ال ناس بصوره كبيره