هل ما فعلته اتجاه زميلي في المدرسة غير صائب(2)

سيدة سناء شكرا جزيلا الك على كل النصائح الي اعطيتيني اياها استفدت كثير ولولا نصائحك كان لساتني بمكاني وما تحركت، بدي استشرك بإشي انا والحمدلله بلشت اختلط بالصف صرت دائما مبتسمة مع الكل وكل اسلم عليهم واسألهم عن احوالهم، وفي مجموعة بالصف عجبتني دخلت فيها وصرت دائما معهم بس نادرا ما اشارك بشي موضوع اواحكي لانو المواضع الي بيحكو فيها انا ما بعرفها وجديدة علي واذا بدي احكي ما اتوقع انو لغتي راح تساعدني كثير انو اتعمق بس وهما لما يشوفوني ما احكي ما يتجرأو انو يحكو معي لانو بيفكروني انو انا ما بدي احكي بسبب لغتي الي مش كثير انا هيك اتوقع بدي منك نصيحة كيف ادبر امري وهما كأجانب ايش المواضيع الي تشدهم ويحبو يعرفوها عني او عن ثقافتي او عن لغتي او هيك يعني موضوع مثير للاهتمام احكي فيه وشكرا كثير الك والحمدلله اني لقيت هالموقع ولقيت حدا متفهم وذو قلب طيب وكبير يسمعني ويحللي مشاكلي شكرا الك والله يوفقك ويرزقك الجنة