زوجي مريض بالشك والغيرة ويتهمني بالباطل

شكرا ع الموقع المتميز بحل المشاكل وبتمنى يكون فيه حل لمشكلتي ،،انا متزوجه من 11سنه وعمري 35 سنه اتزوجت عن حب عندي مشكله ومش الاقيه الها حل من اول سنة زواج بدات مشكلتي لما صار زوجي يغار من اخوة كنا بنحتفل باول سنه زواج وعامله كيكه واشياء تانيه وحبيت نحتفل مع اهله ومش عارفه ليش اجاه هل شعور رغم انه كان خاطب وبحب خطيبته كتير وانا عمري ما شفت منه شي غلط ،حاولت بالتفاهم انه اشيل هاد شعور لكن من فترة لفترة كان يتولد عنده هاد الشعور ويحصل خلافات كبيرة بينا وما اعرف شو اعمل اصير احلف ع القران انه مافيه بينا شي ، كنت اتحمل منه اقسى العبارات يهجرني يضربني بدون سبب ،حملت واجانى بيبي وانبسطنا كتير انا كنت احب زوجي حب بجنون وصل للعشق مو حب بس لكن مع كل هل حب كنت دايما احس انه رح يتركني وانه انا حتى لو بحبني ممكن يتركني بسبب عصبيته واوهامه خاني كتير بعتبرها علاقات عابرة وكنت اشوف واعصب لكن بحياتي ماخليت تفكيري يوصل انه يدخل بعلاقه محرمه مع اي وحده صبرت واتحملت واجاني طفل تاني وحسيت من لحظتها اتحسن شوي بغار بعصب بضرب لكن راحت فكرة لغيرة وشك من قلبه ومرت 3 سنين تقريبا وضعنا مستقىر نسبيا لقبل سنه تقريبا رجع شك بقلبه والله مابعرف ليش وانه رغم كل تصرفاته معي ماحاولت اخونه عمري مافكرت اطعنه بضهرة وكيف مع اقرب الناس اله بحكيلي بحبك ومابقدر اتخيلك تفكري بغيري او تكوني لغيري وحلفت واقسمك والقران بين ايدي انه مافيه شي بينا وعمري ماشفت او اسمعت منه كلمه او حركه غلط لكن صار يجرح فيي اكتر ويتهمني انه بينا علاقه محرمه وانه حتى ممكن اولاده مايكونو منه اتعبت وتعبت نفسيتي بحاول اكون صامده وهادئه ع شان اولادي لكن جواتي نار وحاسه حالي محطمه وحيده خايفه ومكسورة مش قادرة احكي لحد مابدي ادمر بيوت ولا اخرب بيت حدا خايفه ع اولادي منه وخايفه ع حالي كل ما احكي اتغير بىجع متل الاول وانا والحمد لله ملتزمه واهله بحبوني لاني والله وحده محترمه وبحب عيلتي ومابدي اخسرهم بس اتعبت وبطلت اقدر اتحمل اكتر من اتهاماته وظلمه الي وخاصه كله قدام اولاده...بعرف حكيت عن قصتي كتير بتمنى حد يفيدني والكو مني كل الاحترام.