صورة علم Egypt
من مجهول
منذ 7 شهور 6 إجابات
0 0 0 0

خائفة أن يؤثر مرض خطيبي على الانجاب، فهل أفسخ الخطوبة؟

السلام عليكم ورحمة الله وبركاتة انا انسة30سنة اتخطبت لواحد لكن اول اما شفتة محستش براحة وحسيت بانقباض صدر بس قلت يمكن احساسي غلط صليت كتير استخارة قبل ما اعمل خطوبة لكن مكنتش بشوف حاجة أو احس احساس يوجهنى انى اكمل ولا لاة ولأن ظروفة كانت مناسبة ليا الى حد ما وافقت بالرغم من انة ااقل منى كتير اسريا وماديا بس قلت مش مقياس لكنى حاليا اشعر بعدم راحة فظيع بعد الارتباط وكمان بعد كدة قالى انة عندة بواسير داخلية وقريت انها بتأثر على علاقة الازواج وكمان العلاج اللى بياخدة للبواسير والقولون قالى أن اى اثار على الانجاب وكان متخوف ياخدة لكن الدكتور طمنة وقالة متخفش لكن أنا شكيت وزهقت جدا اول اما عرفت بالدوا دة اللى بياثر على الانجاب هو اسمة بنتازا لو فى دكتور هنا يفيدنى لانى فى قمة الخنقة والضيقة يعنى دلوقتى انا عرفت سبب عدم راحتى من اول ما شوفتة مع كل الحاجات اللى بتظهر لى دى قبل الزواج دا غير معاملتى ليا اللى كلها تحكم على اللبس والمكياج هو انسان غيور جدا مش عايز حد يشوفنى ولا يكلمنى بيغير من ااقل شئ مش عارفة هل الغيرة دى عدم ثقة فيا ولا هو مش واثق فى نفسة لانة اصلا شكلا مش حلو وكمان متسلط فى اراؤة يعنى على سبيل المثال اسماء الاولاد اللى ربنا حيكرمنا بيهم حسميهم كذا انتى متسميش وحيدخلوا ازهر مش اى حاجة تانية هو كدة يابلاش طبعا الاولاد فى علم الغيب لكنى بتكلم على التحكم انا فى حيرة من امرى عايزة افسخ الخطوبة عشان ارتاح من كل المشاكل دى لكن فى ظروف سنى دى القرار حيبقي صعب عليا قوى ومش حقدر اتحمل عقباتة وكمان مش عارفة الله اعلم اللى جاى حيكون اية وضعة فى سنى دة ارجوكم كونوا لى ناصح امين لانى فى حيرة من امرى واشعر بضيق فى صدرى لا يعلم بة الا خالقى وجزاكم الله عنة خير الجزاء