معاناتي مع الوسواس القهري لا تنتهي وسبب في أمراضي الجسدية

add_commentأضف إجابتك

thumb_downلم يعجبني0

السلام عليكم ورحمه الله وبركاته انا بعتذر اذا كان سؤالي مش واضح بس عنجد مش عارفه شو بدي احكي بضبط،مشكلتي بدور حول موضوع واحد وهالموضوع بيترفع منه عده مشاكل وكلها طبعا نفسية،انا بنت بسن المراهقه وعمري صغير عفكرا بس انا تعبانه،اولا اشي انا بعاني من مرض  هو الوسواس القهري الي رح يخليني اصير مجنونه لا سمح الله انا وحده تفكيري زايد اكثر من اللازم وهالشي كتير متعبني اني بقعد احلل كل اشي صاير معي وبتذكر اشياء قديمه والقلق بيزيد ومن قوة القلق بحس بدي استفرغ وراسي وجسمي بيحرقوني!!،عندي وسواس بالدين(طهارة-وضوء-صلاة-نقض وضوء-اغتسال-نقض وضوء-كفر-قبلةوطبعا مريت فيهم كلهم وانشفيت الحمدلله بس لهلأ في الباقي،والله تعبت من التفكير الزايد والتحليل بتحكولي اشغلي حالك بحكيلكم اه بشغل حالي ممكن جد انشغل بس بنهاية برجع لهلوسواس وعفكرا الموضوع تقدروا تحكوا وراثي بالعايلة،اليوم رحت عند دكتوره حدا من العايلة كان عنده وسواس مرض وموت وتشافى بفضل الله عندها بمده شهر او اقل،رحتلها اليوم وهو اول يوم اروحلها حكتلي انه حتى الاشياء الجسديه الي بتصيرلي هي اساسها نفسي،نفسيتي تعبانه كثير،وندمانه كثير اني سكتت قدامها وما حكيت الا شوي بس الحمدلله فهمت علي،قال بدها تعملي تحليل فيتمينات وانا البارحه وقت عرفت بدي روح عندها تحمست كتير لاني حسيت انه نهاية هالمرض ان شاء الله رايحه،مع العلم الوسواس رح يكمل معي سنه وان شاء الله لا اما بالعبادات بيكمل وان شاء الله لا كمان ٣شهور انا انهلكت تعبت المشكله احيانا ما بيكون وسواس بيكون حقيقه بس انا تعبت وانا بعيد والله تعبت تعبت من الخوف واني بنام وانا خايفه اني اموت واتعذب بقبري بسبب التخبيص بصلوات،انا حلفت اني ما رح عيد شي الا وقت اسئل مفتي وسئلتهم اسئلة كثيييييييييييرة وكان ردهم اتركي الوسواس،طب انا كرمال الله بدي اعرف شو حكم الاشياء الي صارت معاي لانه بعضها مو وسواس حقيقه بس انا ما بقدر اعرف الصح من الغلط لاني موسوسه وهلكانه وجسمي بيحترق،صرت بنام بس مشان اهرب من كل هاد،مستواي الدراسي نازل كثير صايرة بنقص ١٠ او ٨ علامات بالامتحانات واحيانا بكون مش عارفه انه علينا امتحان لاني مش قادره اركز مش قادرة اوازن بحياتي المشكله اني بمرحله دراسية مهمه وبدها تركيز وانا بعالم ثاني تركيزي كثير ضعيف وهالشي فيني من قبل الوسواس ما بعرف اضل مركزة بفترة طويلة لاني ومثل ما حكيتلكم بفكر كثير،حتى اكل بديش اكل،يمكن اكلي وجبتين بنجبر عليهم يوميا،انا مش عارفه اوازن حياتي حتى علاقتي مع الناس قليلة وضعيفه صرت كتير انطوائية وهاديه وما عندي ثقه بحالي مع اني مكنتش هيك بالمره الفترة هي والي رح تجي ان شاء الله المدرسة بدها منا مشاريع وامتحانات وانا ضايعه وخايفه كيف رح اتعامل مع الوسواس بفترة الامتحانات حاسه حالي وان شاء الله لا رح اسقط مزاجي بيتغير احيانا بنسى اني موسوسه وبضحك وعادي وفجأة برجع للضيق والزعل،خايفه امرض من كثر التفكير عمري صغير على هالتفكير الزايد اصلا،قبل كنت بصلي السنن وهلأ صرت بقطع فيها وحتى القرآن بطلت استغفر الله اسمعه ومش عارفه شو اعمل بكره شعور الحرقه الي بجسمي بكرهه صايره بديش اكل شي ولا بدي ادرس وبشيل هم اني اصلي وتفكيري زايد ومزاجي بعرفش كيف يعني زي كنت متحمسه اني اروح الدكتوره واني خلاص بدي ان شاء الله انشفي فجأة صرت قول لحالي لا ما رح تنشفي رح تضلي هيك هاد اساسا تقصير منك مش مرض هاد هيك وهيك والله تعبتتت اقسم بالله الناس ملت مني واهلي مكسور قلبي عليهم لانهم شايلين همي وبحسهن بيتقطعوا من جوا وهم بيشوفوني هيك صاروا بيعملولي اي شي عشان اتغير واصير مبسوطه بس فش فايده بتحسن فترة وبرجع اسوء من قبل الحمدلله عكل حال،حتى هلأ وانا بكتب ظهري بيحرقني احيانا استغفر الله بحكي الدكتوره مش رح تفيدك ما رح تتعالجي بسهوله بتضلي هيك ورح تموتي وتتعذبي بقبرك اخخ بقدرش اوقف راسي عن التفكير عنجد محتاجه حدا يوقف معي محتاجه حدا اقدر اسئله واحكي معاه براحتي وما يمل مني انا روحي انهلكت وتعبت وصرت بنهار من البكي كل شوي بكره وضعي وبكره الموسوسين الي زي تعبت الوسواس بيجلي كل كم سنه بحياتي بيهلكي روحي وبيروح وهلأ مع كورونا وقعده البيت وسواس و ضغط دراسة وفراغ زايد بدي نصيحه منكم بدي اتغير بدي عيش واتمنى اي حدا يقرء هاد يدعيلي من قلبه لاني محتاجه دعوه ممكن ربي يستجيب دعوة حدا فيكم وارتاح بأذنه من هالعذاب الي ملازمني كل يوم ومش راضي يفك مني،بيتركني ٥ سنين وبيرجع يقتل روحي بيرجع يتركني ٣ سنين ثانيه وبيرجع مشان يهلك روحي وبيرجع يتركني سنه وشوي ورجع هلأ وهلكني وهلك روحي وروح اهلي انا ان شاء الله رح اقرء كومنتاتكم ويارب استفيد من حدا منكم وشكرا كثير
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • الخبيرة النفسية سراء الأنصاري
    الخبيرة النفسية سراء الأنصاري verified_userالسلام عليكم انت مريضة بفكرة انك مصابة بالوسواس القهري. ومن قال ان هذا وسواس. هل شخصك طبيب نفسي ؟. انا في الحقيقة ارى انها مرحلة مشوشة للانتقال من الطفولة للمراهقة ومعرفة الحياة وصعوباتها وواجباتك تجاهها خلال هذه الفترة وهذا مايمر فيه اغلب المراهقون ولكنك تتعكز على المرض وظنك انه كله منه،،، انت لست مريضة وامتعتني من القلق امر طبيعي في مرحلتك وعدم فهم نفسك سيتحسن مع الحياة. وترتيب جدولك اليومي واوقاتك تعلم. عليك الاطلاع عليه وعليك القيام بماهو مطلوب منك والذي تقدري علية والباقي على الله.  انت فقط تحتاجي لتوجيه وربما دورات عن تنمية الذات وبشكل تدريجي وبدون تشنج وقد لا تفهمي شيئا في البداية ثم تتعودي وتتعلمي كلنا هكذا وكلنا قد لا نفهم من اول مرة ولكن البعض لا يعترف.  تعلمي قليلا قليلا وستجدي الحياة اسهل.  انت واضح ذكية ومبدعة وستجدين حلا دون طبيب ولا تخافي لا يوجد مرض.  اما من ناحية الدين فهناك فتاوي كثيرة لمن تاتيه الافكار والمخاوف من عدم صلاح دينهم والدين يتساهل مع هذا الامر ويقول لك مقبول منك كل ما تعطيه اعملي فقط قدراتك ولا تكرري فالله يتقبلها باذنه 
  • صورة علم
    صورة علم
    مجهول

    ابنتي العزيزه ان كل ما تمرين به هو بالفعل من الوسواس القهري ، والحل الوحيد الآن هو الذهاب الي الطبيبه النفسيه ، حتي تسطيع التحدث معك كثيرا ومعرفه روتين يومك بالتفصيل ، وسوف تضع لك خطه علاج تسيري عليها ، حتي تستطيع التخلص من ذلك الوساوس تماما ، لا تستمعي لتلك الاوهام التي تخبرك ان العلاج لن يفيد ، بل تغلبي عليها واذهبي للعلاج فهو الحل الوحيد لمشكلتك .

  • صورة علم
    صورة علم
    مجهول

    في رايي انك تحتاجين بجانب العلاج النفسي الي تغير روتين حياتك ونمط يومك .. فكثره الفراغ تجعل الانسان يفكر كثيرا ويصاب بالوساوس .. فانصحك بان تقسي يومك باشياء متعدد وتملأي وقت فراغك .. اعطي مجهودك لدراستك واذهبي ايضا لممارسه الرياضه خصوصا رياضه الاسترخاء و اليوغا لكي تهدأ نفسك وتشتت ذهنك .. كوني انسانه اجتماعيه اجلسي مع اهلك وتحدثي اليهم كوني صدقات كثيره حتي لا تستطيعي التفكير بمفردك .

  • صورة علم
    صورة علم
    مجهول

    يا ابنتي كل تلك الوساوس هي من الشيطان الرجيم لكي تبتعدي عن الطريق المستقيم رويدا رويدا ،، ولكي تتبعيه وتبتعدي عن اداء صلاتك ،، فانصحك بطرد كل تلك الافكار السلبيه من عقلك وابدالها بافكار اخري ايجابيه ،، ادي عبادتك وداومي علي صلاتك ابنتظام واستغفري الله وداومي علي قراءه القرآن الكريم والاذكار ،، ومهما حدث لا تستمعي الي تلك الاوهام وتتوقفي عن ادائهم ،، ايضا استمعي الي الرقيه الشرعيه فسوف تفيدك كثيرا .. شفاك الله يا ابنتي .

  • صورة علم
    صورة علم
    مجهول

    يا ابنتي ان علاج الوسواس القهري تطلب وقت ومجهود ولا يجب عليك ان تقطعيه فجأه بل يجب الاستمرار فيه الي ان يتم شفاكي تماما ان شاء الله ,, و العلاج يكون الدمج بين علاجين وهو الدوائي والسلوكي او المعرفي ,, الوقت الذي يستغرقه العلاج الدوائي لكي يد نفعا من ٨ الي ١٢ اسبوع ,, انا العلاج السلوكي فهو يمنع الاعراض بعد توقف العلاج الدوائي .

  • صورة علم
    صورة علم
    مجهول

    يا اختي يجب عليك الخضوع الي علاج سلوكي لدي الطبيبه النفسيه وعدم التوقف عنه قبل التخلص من الاعراض ،، سوف تقومي بشرح جميع الاضطابات والرغبات التي تتعرضين لها ويفضل ان يشتارك معك افراد العائله ،، يعمل هذا العلاج علي كسر عقدتين ضارتين لديك ،، وهما العلاقه بين المحفز ويين الشعور بالتوتر ،، والعلاقه بين هذا التوتر والطقوس التي تقلل من التوتر ،، و لكسرهما يجب استخدام تقنيه سلوكيه تسمي التعرض ومنع رده الفعل .

  • صورة علم
    صورة علم
    مجهول

    من الطبيعي ان يكون في عمرك بعض التردد ويمكن ان يكون هناك الكثير من الأفكار والتفصيل في الكثير من الامور لأنك الان في عمر الوعي والنضج وانا أفضل أن تأخذي معلوماتك من مصادر موثوقة.. ومن ثم اي فكرة تهاجمك وتلح عليك عليك أن تتناوليها ومن ثم تناقشيها بالعقل والمسلمات التي تؤمني لها واي معلومة لست متأكدة منها عليك أن تسألي عنها شخص ثقة واي أحكام تخص وسولس الطهارة هناك فتاوى خاصة بها 

  • صورة علم
    صورة علم
    مجهول

    لا يمكن أن تتخلصي من الوسواس الا من خلال العلاج النفسي وان تتابعي مع الطبيب وان يكون لك بعض التمارين التي تؤديها في البيت.. كوني قوية وحاولي ان تستمعي ارادتك وان تتخطي ما انت فيه من خلال الطرق التي يصفها لك الطبيب وهي في الأصل تعتبر من تبعات العلاج ويسمى العلاج السلوكي او المعرفي.. 

  • صورة علم
    صورة علم
    مجهول

    أسأل الله لك العاجل و لكن عليك أن تساعدي نفسك أنت أيضا ,, من الممكن أن تكتبي كل الأفكار التي تشكك بها و من ثم حاولي أن تتأكدي منها أو أن تنقشيها بينك و بين نفسك و من ثم ان توصلت لحل عقلاني امتبيه و من ثم عودي له كلما هاجمتك تلك الفكرة ,, عليك أن تحاولي أن تحصلي عل كل الفتاوي التي تخص الصلاة و الطهارة و أن تحاولي أن تعودي لها أيضا كلما واجهت الأفكار الوسوسية و مع الوقت ستنجحي كما نجحت و تشافيت من قبل 

  • صورة علم
    صورة علم
    مجهول

    لا تعطي المجال لتفكيرك أن يتوغل أي أمر من الممكن أن تسلمي به عن طريق تحليل عقلي بسيط .. و أما عن المسلمات لا تفكري بها مثل الصلاة و الطهارة و الخلق و غيرها من الأمور ,, ربما أنت تحتاجي لأن تثقفي نفسك اقرئي في الكتب و اعرفي صحة ما تفكري به ,, و من ثم عليك أن تلتزمي بالعلاج و أن لا تغيري أكثر من طبيب التزمي بطبيب واحد و حاولي أن تطلبي العون من أهلك ليساعدوك في تخطي المرض 

صورة علم United States
أضف إجابتك على السؤال هنا