صورة علم Kuwait
من مجهول
منذ سنتان 21 إجابات
3 0 0 3

ثقتي بنفسي صفر

انا بنت عمري ٢٠ سنة .. باختصار ثقتي بنفسي صفر .. جبانه وبخاف اتكلم وبخاف اجرب اي جديد .. لما حد بيغلط فيا بخاف ارد مع اني عادي بهزر جدا ودايما ليا صوت بالبيت انما بره بهزر واضحك وكل حاجه مع الناس بس الناس تكرهني بشوف ده لان ماحد بيسال عني .. ماحد بيفتكرني .. دايما حتى اي صورة تخصني عالفيس الاقي صاحباتي الي تقولي وحشة ويع ويتريقو عليا.. جروب صحابي كلهم يتجمعوا ويطلعوا وماحد يقولي تعالي معانا .. حاولت كتير اتقرب منهم سالت عنهم كتير بس بقيت احس اني بقلل من نفسي انا دايم الي اسال عنهم وهما لا فقولت خلاص مش هسال فيهم بس ليه بيغلطو فيا ليه بيستهزاو بيا انا كتير محترمة .. احيانا بحس عيبي الاحترام ولا الكون انقلب .. غير ده انا فاشلة بدراستي كنت للثانوية كنت ممتازة .. ببداية الدراسة بالجامعة انحدرت كتير .. غير ده انا ماليش اي هوايه انا عايشة كده مابعملش اي شيء بالدنيا صلتي بربنا مهزوزة جدا لا بصلي ولا بقرا قران وعارفة ان ده سبب كل شيء سيء بدنيتي بس انا بحاول اتقرب ارجع اصلي واقرا قران اسبوع اتنين بعدها ارجع مرة تانية لحالتي العادية .. نفسيتي متدمرة .. وكارهه الناس .. مش عايزاهم عايزة اكون مع نفسي عايزة انمي نفسي عايزة احس اني احسن بكل شيء واعرف اعمل كل شيء .. عايزة احسس كل انسان ضايقني بنفسيتي انو كان ليه فضل كبير في اني اكون بخير واني بقيت احسن منهم ( مع ان لو قارنا انا حالي احسن بكل شيء ( بدون تكبر ولا غرور ) بس انا بكره كل انسان بيضايقني )