اريد ان ارجع لحالتي السابقة

السلام عليكم انا فتاه في الثالث والعشرون من عمري جامعيهكنت انسانه مرحه لأبعد حد لدرجة ممكن يكنسلوا جمعه عشان انا مو موجودهالحمدلله ذكيه ومن الأوائل على دفعتي و في نفس الوقت قنوعه جداً و عقلي كما يقول كل من عرفني يسبق سني وجميله ولله الحمد تزوجت في فترة الثانويه وانجبت طفلين بفرق سنه بينهم مع ذلك اكملت دراستي ولم اجعل ذلك عائق والحمدلله كنت الثانيه على الدفعه طبعاً كلام الناس اللي كانو يقولوه عني ومستواي الدراسي كان مخلي ثقتي في نفسي ١٠٠٪‏ في العام الاخير قبل لا اتخرج صرت اشوف بعض مواقف الغيره والحسد من البنات في الجامعه اثرت في نفسي كثير وجرحتني لأني كنت اتوقعهم اخوات والله يعني يقللو من جمال ذوقي او لبسي وهو والله جميل والكل يشهد يعلقو على اشياء سطحيه جداً بس تكسر خاطري وتهز ثقتي في نفسي للاسف وللاسف اتمكنوا من ذلككرهت الصديقات وتجمعاتهم وصرت ما عاد اثق في اي احد كان بعدها صارت مواقف بين ابي وامي واتزوج عليها و انا وحيدة امي كانت تشكيلي همها مالها غيري ، بس للاسف كرهت نفسي وكرهت الرجال و كرهت زوجي وكنت اتوقعه في اي لحظه ممكن يتزوج علي ، مع العلم انه انسان مخلص ويحبني جدا ، ولكن اصبحت لا اثق فيه ، يعني حتى لو سفرني اقول سفرني عشان يبسط نفسه مو عشاني وهكذا ، ومع مرور الوقت صار برود شديدفي حياتي كرهت الناس احس العالم كله نفاق ، وصرت حساسه زياده عن اللزوم بحيث اني لو اشوف قصه في فلم محزنن او انسان مريض نفسي، أطبق هذا الشيء على نفسي واعيش الوضع ، يعني لو شفت اي احد يشتكي من اكتئاب او مرض نفسي اقول انا فيه كذا انا راح يصير لي كذا ، واصبحت جداً عصبيه في نفس الوقت ما اتحمل اطفالي ابدا اللي هم في سن ٤ و ٣ سنوات زمان كان بالي طويل عليهم والعب معاهم الآن بس اعصب عليهم ، والسبب اني جلست لفتره مع عماتهم وكانو كذا يعاملو اطفالهم وصرت زيهم وانقطعت عنهم قلت يمكن اتعدل لكن للاسف مو قادره اتحرر من التفكير والتصرفات ذي صرت اي شعور سعيد وحلو على طول افكر فيه بسلبيه واجلس اتذكر مواقف حزينه و لا اتخيل مواقف حزينه ما اقدر اعيش اللحظه الحلوه لدرجة صرت اقول لزوجي ما عاد نبا نسافر نقعد فبلدنا احسن اقوله احس بضيقه اذا سافرت وهو يقولي انتي دخلتي نفسك في دوامة انك حزينهبس مجرد ما انشغل بشيءمثلاً ادخل دوره او اقرأ كتاب يختفي كل ذلك الشعور ، بس مجرد ما افضا او ابي استمتع باللحظه الحلوه ارجع مره ثانيه افكر بسلبيه ، وفوق هذا اصبح رأي الناس فيّه جداً يهمني ، يعني ممكن ما اقدر اقول رأيي عشان اخاف ما يوافق رأي اهل زوجي ويقولو ذوقي مو حلو ، او اخاف اعامل اطفالي بطريقه معينه ويقولو ما تعرف تعامل اطفالها ، في الآونه الاخيره اصبح شغلي الشاغل هو كيف مثلاارضي اهل زوجي علي وثقتي في نفسي انهزت ومو عارفه ارجعها زي اول ، تقريباً من بعد تخرجي اصبحت كذا مع انه لي ٣ شهور متخرجه فقط و اتمنى ارجع ثقتي في نفسي ومرحي زي زمان وتحملي لآطفالي