أضحك في المواقف التي تتطلب البكاء!

السلام عليكم، انا عندي مشكله غريبه نوعا ما وهي اني ما عندي احساس ابدا! فمثلا بالمواقف الحزينه ما أحس بالحزن ، ولما امي تبكي أضحك مع اني احبها مره وذا الشيء بدأ يضايقني! دايما لما اشوف امي او احد من صديقاتي يبكون تجيني ضحكه! وابوي وامي لما يتخاصمون ما أحس بحزن كبير لكن أحس ان يومي ماله معنى وكئيب وجسمي يرجف بس ما ابكي وبعض الاحيان أضحك! والأهم من دا كله، أبوي راح المستشفى ياخذ نتايج تحليل وطلع ان عنده سرطان باللسان ويوم وصل البيت يورينا النتايج امي واخوي يبكون ما عدا انا بدون ردة فعل! ورحت الحمام وقعدت أضحك وفرحانه مع اني احب ابوي كمان مع انه يسوي ببعض الأحيان مشاكل، بس المشكله مو ذي، المشكله انه ليش انا ما احس بالحزن؟ بس ارجف لما تصير مشاكل بين امي وابوي وأحس بكآبه؟