شخصيتي ضعيفة جداً ولا أستطيع التواصل مع الناس

أنا عمري 27 ، عندي مشكلة انو ما بتعرف على حدا و بيبقى معي ، يعني من أول جلسة ما عاد بيحكوني ، بحاول اتواصل مع حدا برد علي بنشافة ، قرايبني نفس الشي ، حتى أختي الوحيدة عندي مشكلة بالتعامل معها ما أصحاب ابدا ، و ما عندي أطفال ، حاولت أختلط بالناس .. النتيجة ما في اي تجاوب ، و الله ما بعرف شو المشكلة عندي مع اني ما بأذي حدا و لا بحكي على حدا و بتعامل مع كل اللي حولي بأسلوب لطيف ، شخصيتي كتير ضعيفة و ما عندي ثقة بنفسي ابدا ، و سريعة البكاء من اي شي بتحسس و الله رح اختنق ، أنو شو السر اللي بيخلي اي حدا اتعرف عليه تنقطع علاقته فيني ، و حتى رفقات و اصدقاء من ايام المدرسة و الجامعة ما عرفت كون ، و هالشي أهلي كانوا السبب فيه .. عم حاول اتعلم لغة نوع من كسر الروتين ، اذا الاستاذة حكتني بكتئب و بيصير بدي ابكي .. بدي حل !! او علاج !!؟