يتيمة المشاعر بسبب كره أمي لي

انا معرفش شعور الام ولا حنان الام ولا معنى الامومه,, رغم ان عندي "والدة" لكني يتيمة المشاعر,,امي كرهتني من وقت كنت رضيعه ومعرفتش السبب الا لما قالتلي بنفسها اني اذكرها بأبويا الي تكرهو كره العمى ,,ولا مره افتكر انها باستني او حضنتني ,,كنت كنت بشوفها تعانق اخواتي بحب وحنان وانا بتفرج على المشهد بقلب صغير حزين,,كانت بتميز اخواتي عليا في كل حاجه,,بتعاملني بعدوانيه على حجات تتساهل فيها مع بناتها التانيين ,,مثلا اسالها ليه اشتريتي هدوم لاختي وانا لا,, تكدب وتقولي ده عشان الفلوس من عند جدتك اداتهم ليها يا حقوده يا غيورة ,, ,,ياااه قد ايه بكيت ,,قد ايه فكرت باني يمكن اكون لقيطة مش بنتها الحقيقية,,مش بفتكر غير ارغامي على شغل البيت قبل السادسه من عمرياء بالشر ,,انا مش بعرف الام "التي تسهر عند المرض" ,,لما كنت امرض كانت تقول لي موتي احسن,,كانت تاخدني معاها مشاوير ثم اكتشفت انها تاخذني في مواعيدها الغرامية كغطاء,, كل سنه مع راجل جديد وحب جديد ,,اخرهم اصغر منها ب 15 سنه ,,حتى وانا مخطوبه كانت تخرج مع عشيقها ولما يسالني خطيبي مين ده اضطر اكدب ,,حتى ابويا كرهتنا فيه واوغلت صدورنا حقد عليه حتى بقى غريب بالنسبة لينا ,,كنت كلما حصلت على شغل اديها واخوتي كل مرتبي عشان اشوفهم سعداء والله العظيم مش بسيب جنيه لنفسي حتى للمواصلات,, اغرقتها هدايا وفسح وترفيه ورحلات ,,مكنتش عندي امنيه غير انها تحبني,, لكن مهما عملت ومهما اجتهدت مفيش غير احساس بالجفاء والبرود ,,لما اسمع حد يتكلم عن حب الوالدين وتضحيتهم مش بفهم الشعور ده ولا هفهمو ابدا لاني عقيم,,اتمنى تشكرو ربنا على نعمة الحب ونعمة الوالدين الصالحين لان فيه ناس مبتلون بيتم المشاعر,,اتمنى تدو حب كتير لاولادكم عشان ميبقوش زي عندهم اعاقه وتشوه في المشاعر ,,مش عارفه لما نوقف بين ايدين ربنا هيحاسبنا على البر يا ترى هيحاسبهم على التقصير والقسوه ولا لا ,,الله يفرج كرب كل مبتلى