إلى متى سأستمر في أخذ هذا العلاج؟

السلام عليكم انا متزوجه وعندي ٣ اطفال قبل الزواج اجتني حاله قالوا انها حاله نفسيه اضرب الشخص المقابيلي وعشره ميكدرون يلزموني وحتى عفوا بول ابول على نفسي حصلت الي هاي الحاله واني من كملت سادس اعدادي وجنت شاطره بس ماطلعت معدل ناس تكول سحر او عمل ودوني طبيب نفسي كال هاي عدها حاله نفسيه ومااكل اي شي عايشه على بعض الماء والطعام الي يوكلونيا اهلي بالغصب وبعدها اثناء هاي الحاله اني فاقده مااذكر شديصي عبالك جنت بحلم وبعدها قرر الدكتور النفسي بوقتها اجراء جلسات كهرباء وبعدها تحسنت حالتي شويه شويه وكتبلي على علاج اسمهolan اولان واني مستمره عليه الى هاي اللحضه علما اني عمري الان ٤٠ سنه بس اترك العلاج ترجعلي الحاله وهي اوهام وشكوك ونسيان وفرط نشاط بس اريد اعرف الى متى اضل استخدم هذا العلاج وماكو حل لمشكلتي علما ان هذا العلاج تأثيره الجانبي زياده الوزن ويهدم الحيل والنوم الكثير