زوجي ضعيف جنسيا وشخصيا والعلاج ميؤوس منه

مش عارفه ان كان لمشكلتى حل ولا خلاص قدرى كده..اتجوزت شخص طيب ومحترم لكن للاسف اكتشغت ضعفه الجنسى الشديد من ليله الدخله كان ضعف تحول لعجز تام حتى انه كان يجامعنى مره ف السنه . الضعف مش بس فى الجنس لا فى الشخصيه و التفكير مش بيقدر يفكر ولا ياخد قرار ولا يواجه مشكله انهزامى يهرب من المشاكل لغايه ما تتحول مصايب ويسيبنى لوحدى اواجهها واحلها كمان كسول فى عمله وبالتالى سايبنى انا اواجه اى عجز فى والمصاريف انجبت منه بالمرار و بالعافيه ولد وبنت بينهم ١٣ سنه بسبب حالته اللى رفض علاجها واخيرابعد ٢٠ سنه وافق يتعالج و كانت الصدمه انه عنده نقص شديد فى هرمون الذكوره وانه صعب جدا العلاج فى سنه لانه قرب على ٦٠ سنه ..صبرت عليه طول العمر انام لوحدى فى برود وجفاف عاطفى كنت ابكى بشده من الاحتياج واطلب من الله العون دلوقتى خلاص ثبت انى هعيش فى احتياج لغايه ما اموت ..مش عارفه اعمل ايه انا تعبت ومش قادره اتحمل اكتر انا نسيت انى واحده ست لها حقوق .. اطلب الطلاق وادمر العيله اللى انا شايله مسؤلياتها لوحدى وهو صوره بس قدام الناس ولا اعمل ايه