صورة علم Saudi Arabia
من مجهول
منذ سنة 11 إجابات
1 0 0 1
  • أتمنى أن يتم أستئصال أفكاري التي تتعبني

    عندي وسواس من صغري مهما كنت لحالي احس حد معايا احس انه في حد يراقبني بالأصح احس الكل مراقبني كأن حياتي لعبة.. وطول عمري احاول اتجاهل هالاحساس لدرجة ف حياتي ماخبرت حد عنه.. حتى لو قدرت اتجاهل هالاحساس.. لما اكون في تواصل مع أي حد سواء اخواني أو أصدقائي أو أي حد حتى لو علاقة احس اني تحت المراقبة وصلت لمرحلة اشك بتصرفاتي هل التصرفات اللي اتصرفها نابعة من حقيقتي ولا من احساس المراقبة قلبي يوجعني هاللحظه لأني اكتب هالكلام وانا تحت نفس الضغط النفسي للإحساس.. والله ما ادري اذا الأشياء البسيطة ف الحياة انا احبها جد ولا احبها لاني احس الكل شايفني ولازم احبها لأن كل الناس يحبوها وهذا المفروض.. ادري في كثار زيي يصنفوا حالتهم انه عندهم وساوس وشغالين ع نظرية المؤامرة.. ادري ممكن احساسي يخدعني من كثر ما اركز على أدق التفاصيل و الصدف اللي تصير معايا أو لأني عانيت كثير أفضل نظرية المؤامرة كرد فعل من عقلي يخليني استمر لأني زمان كان يوقفني هالاحساس بس بطريقة ما خلاني أقوى وصار حافز وبنفس الوقت يتعبني.. حقيقي والله هالاحساس من صغري ملازمني.. ما كتبت ادور حل لأني عندي يقين أنه شيء جواتي ف عقلي محد يقدر يدخل عقلي ويمحي الفكرة بس حرتاح يمكن شوي إذا عرفت انه في غيري تخنقهم الفكرة زيي و مو أنانية مني ولا أتمنى الشر لأحد بس اتمنى انه لو حد قدر يطلع منها يساعدنا لأنه لازم يكون في نفس موقفنا.. عندي امل في حد أقوى مني وقدر يطلع منها.. ياريت في استئصال أفكار