شعور الأمومة يغمرني .. ولا أعرف ماذا أفعل! (2)

مش عارفة ابدا منين بس انا كنت نشرت مشكلتى من فترة و كانت بعنوان شعور الامومة يغمرنى و لا ادرى ماذا افعل ؟؟ باختصار انا كانت الفترة الاخيرة عليا صعبة جدا و الحمد لله عدت على خير و بعدها حسيت بفراغ عاطفى و نفسى شديد جدا بالذات من ناحية الامومة يعنى نفسى اكون ام جدا نفسى احس احاسيس الامومة و حركة الاطفال جوا بطن امهم و الرضاعة و لهفة الاطفال على امهاتهم نفسى احس بيها نفسى يكون ليا كائن صغير احس معاه بالاحاسيس دى و احسسه بالامان و الحنية مكنتش بفكر ف الارتباط اوى كان كل اللى شاغل بالى الامومة لما نشرت مشكلتى الاستاذة سراء الانصارى قالتلى لازم تواجهى نفسك باحتياجك للحب ده من حقك بعدها بفترة اتقدملى شباب جواز صالونات من جهة الجيران قولت اديهم فرصة و ادى نفسى كمان فرصة بس مكنش بيحصل نصيب يعنى بيعشمونى و بعديها بيرجعوا ف كلامهم المهم انا حامدة ربنا و عارفة انه شايللى الاحسن و الحمد لله بشترك ف حاجات تشغل و قتى و بجرب حاجات جديدة و بحاول اعيش حياتى و سايبة الموضوع ده على ربنا المشكلة عندى ف اهلى والدى و الدتى و جدتى كل م يكون فيه فرح لواحدة صحبتى او خطوبة او سبوع يفضلو يقولوى عقبالك و ربنا يعوض عليكى و يرزقك باحسن من الى راحو و حاجات شبه كده و كمان قرايبنا لما بنشوفهم يحسسونى انى فانتى القطر و انه بنات عمى اللى اصغر منى مخلفين و مجوزين حتى الجيران بحسهم و بيتكلمو عليا و بيبصولى بصات غريبة انه كل م يجى حد ميحصلش نصيب حتى زمايلى ف الجامعة بيحسسونى انى من كوكب تانى عشان لسا و لا ارتبطت و لا اتخطبت و بيحسسونى انه الشباب بتخاف منى عشان انا شخصيتى قوية و مستقلة و بفكر ف مستقبلى والموضوع ده بيجرحنى جدا انا لسا ف اول العشرين و لسا بدرس فى الجامعة يعنى مش عندى 100 سنة اخلاقى و سمعتى كويسة جدا غير كده حسيت خوفهم اتسرب ليا و بقيت احس انه الشباب بيخافوا منى و مش مرغوب فيا مع انى جميلة جدا و ف نفس الوقت انا بردة شعور الامومة مسيطر عليا جدا و نفسى اكون ام بس فعلا انا محتاجة للحب يعنى لما اكون ام وعندى اولاد و بحب ابوهم احسن و لا لما اكون مستحملة عشان اولادى و بعدين انا ماليش ف حركات البنات و الاعيبهم دى يعنى اكيد مش هتجوز واحد الا لما يكون بيحبنى او متقبلنى و ف نفس الوقت مش اتعامل ازاى مع طريقة اهلى و اللى حواليا فى التعامل معايا حاسة نفسى مكتفة و مش عارفة اشوف مستقبلى بسببهم التفكير هيموتنى ارجوكم ساعدونى