بعد طلاقي أصبحت إنسانة عصبية ولا تطاق

انا مشكلتى انى من بعد طلاقى وأصبحت عصبيه جداا ومش بستحمل كلمه من حد ودايما بهاجم اللى قدامي واسلوبى بقى وحش جدا مع اللى حواليا ومن كتر مابتعشم فى الناس وبيأذونى فى الاخر بقيت بتخانق مع كله ومش بفرق بين الوحش والكويس ومامتى علطول بنتخانق مع بعض ومش قادره تفهمنى وبقيت حساسه تجاه اى كلمه بتتقالى لو حد قالى انتى غبيه بهزار مثلا ممكن اعيط قررت اقعد لوحدى واقفل على نفسى مش بتكلم مع حد ولا بخرج الا للضروره واوقات كتييير بخاف اخرج عشان مش بحب اتعامل مع الناس وفى نفس الوقت قعدتى فى البيت بتجبلى اكتئاب اكتر ولو ماما زعقتلى بحس ان الدنيا كلها سواد وبفكر فى الانتحار كتييير جدا بتمنى أموت وغير كده بحس ان الناس مش بتحب ليا الخير بحس ان مفيش حد بيحبنى مبقتش بصدق اى حد انه بيحبنى ومش ببطل تفكير بهرب من كل حاجه بالنوم والقعده لوحدي او بالاكل ثقتى بنفسى بقت صفر كنت بشتغل وحاليا لا مش قادره اخرج اواجه الناس بتعب جدا نفسى الاقى حل لمشكلتى.مع العلم ايام جوازى اتعرضت لضرب واهانه كتير وضغط نفسي فظييع وكان اهلى مش بيصدقونى لما بشتكى غير بعديها فتره لما بدأ الاذى يوصلهم وكانو رافضين طلاقى وبيستعروا منى وكنت برجعله غصب عنى بعد.كل مره بيضربنى فيها انا حاليا منفصله بقالى 3 سنين