حزينة وفقدت ثقتي بنفسي بسبب عدم اكتمال النصيب

السلام عليكم. انا هقولكم حاجه مزعلاني اوي واتجهت ليكم عشان بجد تخففوا عني محتاجه كلام بجد يأثر فيا انا كل اما بيجيلي عريس بيجي ونقعد مع بعض وميجيش تاني انا بجد تعبت انا مش عايزة اتجوز عادي مش فارق معايا مش هموت من غير الجواز يعني بس صعبه اوي بجد اللي بيحصل معايا ثقتي ف نفسي بتنعدم والله تعبببت انا عارفه انها نصيب وان طالما دا بيحصل بيقي مفيش نصيب ولسا نصيبي مجاش والله انا مش محتاجه الكلمتين دول انا عارفاهم انا بس زعلانه اوي هو انا للدرجه دي انا الحمد لله عمري م كلمت ولاد وبمشي مش ببص لحد وشكلي مش وحش للدرجه مقبوله يعني بل ف ناس تقولي اني جميله بس انا خلاص فاقده ثقتي ف نفسي بجد انا اسفه ع الاطاله بس كان نفسي اتكلم بجد