كل أمل بحياتي يطفئونه الناس بأيديهم

انا بنت طموحه و شغوفه و اجتماعية بحب الناس و بحب الحياة ، لكن ما عندي حظ و فوق هاد اهلي دائما ضدي !!! مع كل امل بينولد بحياتي بيطفوه بإيديهم كثيير مرات حرقولي قلبي و قهروني نحنا مش اهل زي كل هالاهالي ، نحنا علاقاتنا مكسره بالبيت بين بعضنا و ما بنتعامل مع بعض ، ابوي حاليا رجل متقاعد لكنه ما بيهتم فيني ، والله نفسي يجيبلي اشي او ياخدني مشوار او اذا شافني مهمومه يطبطب عليّ و و لا بهمه رأيي و اهم اشي بالدنيا راحته و امي امرأه جاهله مطيعه لابوي بكل شي نفسي تهتم فيني و تحن زي كل هالامهات او تفرحني او تشجعني على اي اشي بعمله !! دائما بكسروا مجاديفي !!!!!!! طبعا انا تخرجت من الجامعه من ٥ سنين و زي ما بتعرفوا عنا بالاردن صعب تلاقي شغل خصوصا انه انا من قرية بالشمال ، فبعمل تطوع مشان افرغ طاقاتي و على الاقل بيعطونا اجر بسيط بجيب فيه ضرورياتي ، و ممنوع اشتغل برا المنطقه لاني بنت مع اني بنت واعيه و مش سهله و هما بعرفو هالشي كويس! و مع ذلك بضلهم يبهدلوا و ما تروحي و ما تعملي طبعا نفسيتي زفت ! دائماا الحياة نكد هاي غير العرسان الي بدققو عليهم و الله نفسي احس اني انسانه و اختار بكيفي الانسان الي بدي ياه بدققو على اشياء مش منطقيه عالعيله و عالمنطقه و عالدراسه !! وانا محتاره بهالدنيا انا بنت بعرف الله و محافظه الحمدلله على حالي و على ديني من نفسي مش منهم !!!!! عمرهم ما علموني اشي مفيد صلاة صيام قراءة قرآن والله كله تعلمته من حالي ! مش عارفه هالدنيا ماشيه فيني لوين والله مخنوقه يا عالم ادعولي الله يوخدني لعنده ربنا حنون و الي على الارض كلهم بدون احساس