وفاة أمي قلبت حياتي

السلاام عليكم ورحمة الله وبركاته /: انا فتاه لدي مشكله واريد حلها .. كنت متفوقه بالمدرسه واحصل على امتياز واضحك واسولف مع العالم واصادق هذي واصادق هذي ، لكن.. بعدما توفت " أمي" ربي يغفر لها ويرحمها .. تدهورت حالتي . صرت افتقد الاهتمام صرت اتغيب من المدرسه .. وماحد مهتم اذا كنت اروح اولا .. بعدها خرجت من المدرسه 3 مرات ادخل واخرج وانا بمتوسط . بعدها ذهبت ل ثانوي ورجعت لي حالة اني اطلع من المدرسه وخرجت . وماكنت اعرف اللي اسويه صح او غلط . اعتزلت عن الناس واعتزلت عن الكل حتى بالبيت . ماعرف الا غرفتي والحمام يعز السامع. وحتى الاكل يجي لغرفتي . وماانزل ومااشوف احد من البيت اخاف اتحس بضيقة مرت ابوي مني اذا جلست بالصاله الا يوم واحد اذا تجمعوآ وسوو زياره . واقعد معهم كم ساعه واصعد وساعات اجلس مع نفسي وبدون سبب اكتئب وابكي بروحي . وساعات اتذكر اامي واللوم الزمن ان خذاها اللي كانت تهتم لي والان ابلغ من العمر 27 سنة وللحين على نفس الوضع من امي توفت وماتغير شي فيني اكره اروح لعزايم ، اهلي ماحد يوديني لهم , حتى يوم قررت اشتغل ماعندي الشجاعه ادبر اموري لاني ماعرف ادبر شي كنت احاول اطور من نفسي لكن فشلت ولساتني فاشله ، ماعندي صديقات وحتى يوم حاولت اكون فشلت بهالشي لاني كلا ع الصامت ، وحساسه واي شي يبكيني بحس حالي ضايعه ومسجونه وانا اللي ساجنه نفسي بنفسي وموقادره اتخلص من السجن اللي حطيت نفسي فيه ناقصني شي ادور عليه وماني عارفه شنوو ، وليش اسوي بنفسي كذا ، وليش انا كذا ، وليه اتخذ قرارات فاشله بحياتي ، وخربت مستقبلي . ودي اكون انسانه طبيعيه بس انا اعترف اني انسانه نفسيه ، احس بخذلان تجاه نفسي وتجاه الكل ، عندي خوات متزوجات اذا حصلت لهم مشكله اسمع منهم بس مايسمعون مني ، انصحهم بس ماينصحوني ، يفضفضون لي بس ماقد مره سألوني شفيك ولا شنو ناقصك او ليش طلعتي من المدرسه او ليش كلا تغيبي . حتى لما امرض اظل بغرفتي وماحد درى عني مريضه ولالا اعالج نفسي بنفسي مليت من حياتي ، مليت من كل شي حولي ، مليت من كل شي