الوسواس جعلني أكره الناس

والله يا جماعة مش حاب أذكر تفاصيل قصتي المؤلمة ... بس أنا أعاني من الوسواس بسبب الواسوس كرهت الناس في وعملت لنفسي مشاكل في عملي وفي أحد المرات اتصلت ع مديري بعد منتصف الليل و أخبرته انه في خطأ في توقيعه ع عقد االعمل طبعا من يومها المدير يشك في .. دايما افترض انه الناس كارهتني وأنه في العمل يعملون ضدي مؤامرة والمستقبل في عيني كئيب ... طبعا قبل ما يشتد الواسواس علي كنت ناجح وحياتي من أفضل ما يكون واليوم ما زلت كذلك بس مش زي أول الان مشتت وماأعرف اتخذ قرار ... مديري الحالي ما شفت منه شي غلط بس بحس انه يدبر لي مؤامرة وانه في نهاية الأمر رح يعمل شي مو كويس معي خصوصا انه قبل كم يوم طلبت منه ياخذ الفلوس العهدة الي عندي ويخلصني من تحمل أمانة الحسابات بس هو قال : أنا اثق فيك ومش مشكلة لو تبقى الفلوس عندك باجي أخذها وقت ثاني بس انا ما ابغى امسك حسابات مش شغلي وهذي امانة ..... طبعا لا تقولو لي خلطة بالناس انا بداوا الناس ينفرون مني بعدما كانوا كتيييير حولي واي شغلة اشتغلها الي يفرون لي مكتب لوحدي على أساس انه من الرفاهية ههههه ... وانا والله ودي اشتغل مع مجموعة .... طبعا الأسباب الدينية تنفع صلاة وصوم وقران تنفع كتييير بس انا اظن اني احتاج علاج .. طبعا اقرب الناس لي يقولون هذا بسبب الفراغ بحياتك تزوج وانت بينتهي ذا كله معك أنا اقول كيف اتزوج : وأنا كل ما أفكر بالزواج أحسن مستقبلي رح يكون كئيب مع زوجة المستقبل لا سمح الله ويجيني خوف شديد .... أول ما خطبت قبل 3 سنوات بدأ الواسوس يزداد بسبب السوداوية الي أشوف بيها المستقبل وتعالجت وأخذت دواء اسمه (فافرين) الدواء في البداية كان كويس بس بعد كده سبب لي فرط حركة ابغى أخرج وأسوق سيارتي أو أمشي والله ما خليت مكان الي رحته بسيارتي بسبب الدواء طبعا الخطوبة ما تمت بسبب الوسواس دخلت بعدها في اكتئاب وتعالجت وتخرجت من الجامعة ... واشتغلت واتصلت بمديري بعد تسعة أشهر الساعة واحدة ونصف بالليل أقوله انت لازم تغير توقيعك بالعقد (والله ما أدري كيف سويتها) طبعا كثرت المشاكل في العمل ورجعت للاكتئاب وتعالجت ... ورجعت اشتغل ... بس احس الان انه المدير الحالي يدبر لي مؤامرة علتها في الفلوس الي خلاها عندي الي حكيت عنها قبل شوي ... انا خايف ادمر حياتي بهذي الشكوك ... طبعا بالنسبة للأدوية مؤذية وترميني في الفراش مثل الجثة الهامدة و أنا ما أحبها وأنا من غيرها أحس اني أحسن ... طبعا الاهل يقولون عين أو حسد وقبل فترة توجهت لمفتي وسألته اني خايف انه فلوسي تكون حرام فقال المفتي فلوسك مش حرااام وهذا مجرد وسواس ولازم تراجع دكتور يعني ما قال لا عين ولا حسد ... طبعا انا انهي المشكلة ذي من حياتي بس ما ابغى الدكاترة النفسيين لأنهم أتعبوني .. فساعدوني تكفون